Farþegar hvattir til að mæta fyrr á Leifsstöð

Vinna við endurnýjun nýs farangursflokkakerfis á Leifsstöð hófst í gær. Framkvæmdirnar fela meðal annars í sér tvöföldun á afkastagetu og stækkun kerfisins til aukins hagræðis og skjótari afgreiðslu. Frá þessu greinir á vef flugstöðvarinnar.

Farþegar munu finna fyrir tímabundnum breytingum við innritun næstu mánuði þar sem loka verður hluta innritunarborða í brottfararsal á meðan verkið fer fram. Í fyrstu verður flestum innritunarborðum Icelandair lokað og innritun færð þangað sem innritun Wow air hefur farið fram. Þeim innritunarborðum verður síðan lokað þegar vinnu við fyrri áfanga lýkur í maí og færist þá öll innritun á svæði Icelandair þar til endurbótum á innritunarsal lýkur í júní.

Ljóst er að innritun og afhending farangurs mun taka lengri tíma en venjulega af þessum sökum. Farþegar eru þess vegna hvattir til að mæta fyrr en innritun hefst kl. 4:30 til að tryggja skjóta afgreiðslu og lágmarka óþægindi mun innritun í morgunflug. Flugfarþegar eru einnig hvattir til þess að nýta sér rafræna innritun, bæði netinnritun flugfélaganna áður en komið er á flugvöllinn og einnig mun starfsfólk Icelandair aðstoða sína farþega við sjálfsinnritun á staðnum.

Þá munu morgunferðir áætlunarbifreiða frá Reykjavík hefjast kl 04:00.

Nánari upplýsingar um endurbætur farangurskerfisins er að finna hér.