Landsbankinn ætlar að selja sérvarin skuldabréf fyrir 10 milljarða

Landsbankinn hefur fengið leyfi frá Fjármálaeftirlitinu til útgáfu sértryggðra skuldabréfa  og verða bréfin skráð í Kauphöll innan skamms. Útgáfan er fyrst og fremst ætluð sem fjármögnun fyrir óverðtryggð íbúðalán bankans.

Í tilkynningu segir að leyfisveitingin miðast við 29. apríl s.l. og í upphafi er bankanum heimilt að afla sér 10 milljarða króna með með þesum hætti. Útgáfa verður í íslenskum krónum og stefnt er að sölu skuldabréfa til fjárfesta innan skamms tíma.

Landsbankinn hefur stefnt að útgáfu sértryggðra skuldabréfa um nokkra hríð. Hún rennir styrkari stoðum undir fjármögnun bankans og eykur möguleika hans til lánveitingar óverðtryggða íbúðarlána í framtíðinni, að því er segir í tilkynningunni.