Íslenskir í útlöndum

Þrátt fyrir að þrengingar á Íslenskum gjaldeyrismarkaði séu svo miklar að þjóðin sé orðin sérstök áhugaþjóð um útflutning getur hluti bjórútflutningsins í hæsta lagi náð að kalla fram ljúfsára gleði hjá bjóráhugamönnum.

Útflutningurinn sem hér um ræðir er á vegum Ölvisholts og Borgar brugghúss en ölhiturnar eiga það sameiginlegt að flytja út bjórtegundir sem ekki er fáanlegur á Íslandi. Annar bjórinn fer í Austur en hinn í Vestur og ástæður þess að hann fæst ekki á Íslandi eru ólíkar.

Hinsvegar eru báðir bjórarnir bragðmiklir og afgerandi. Hugsaðir fyrir bjóraáhugamenn og þá sem eru tilbúnir fyrir eitthvað nýtt.

Brugghús: Ölvisholt brugghús

Bjór: Jólabjór

Fáanlegur: Svíþjóð, 132 útsölustaðir Systembolaget

Einn af ávöxtum góðrar samvinnu við umboðsaðila Ölvisholts í Svíþjóð var hugmynd um að svara kalli Systembolaget í Svíþjóð um nýja jólabjóra. Ölvisholt fékk fullt listrænt fresti og skapaði bjór á fyrstu mánuðum árs 2010 sem var sendur út og metinn. Systembolaget valdi jólabjórinn frá Ölvisholti áfram og til að gera langa sögu stutta hefur bjórinn verið pantaður árlega síðan.

Spurður um ástæðu þess að bjórinn fáist ekki á Íslandi svaraði Örn Héðinsson framkvæmdarstjóri því til að tilraunamennskan hafi fengið lausan tauminn við þróun jólabjórs fyrir heimamarkað. Flest ár hafi nýr jólabjór litið dagsins ljós, nokkuð sem sé erfitt að gera fyrir Systembolaget. Það var því ekki stefna heldur þróun í takt við aðstæður sem skildi markaðina að.

Mahónýrauður með ljósa froðu. Ber með sér ilm af reyk og banönum. Í bragði er negull fyrirferðarmikill í bland við brenndar karamellur, þurrkaða ávexti og reyk.

Brugghús: Borg Brugghús

Bjór: Garún, Imperial Stout

Fáanlegur: Bandaríkin. „Búðin“ í Brooklyn, er á leið víðar

Grunnurinn að útflutningi Borgar val lagður þegar dreifingaraðili frá Bandaríkjunum kom í heimsókn og bragðaði á bjórum brugghússins. Honum leist vel á og taldi Surt eiga sérstakt erindi á Bandaríkjamarkað.

Þar sem Surtur er þorrabjór og ekki í framleiðslu allt árið var ákveðið að hann færi ekki út en þess í stað yrði nýr Imperial Stout þróaður. Niðurstaða þeirrar vinnu var Garún sem lenti í Bandaríkjunum á dögunum og er að fara í dreifingu. Þeir allra forvitnustu geta farið strax í dag á barinn „Búðin“ í Brooklyn og bragðað á.

Ástæðu þess að Garún verður aðeins í útflutningi segja Borgarmenn vera þá að Imperial Stout Borgar sé Surtur.

Kolsvartur með dökka froðu. Mildur ilmur, sæta, vanilla og ristaðir tónar. Bragðsterkur, rist, kaffi, lakkrís og sýra. Heitur bjór með löngu eftirbragði.