Við sjáum um allt

„Við gerum allt frá a til ö, rífum út, færum til lagnir og fleira án þess að húseigendur þurfi að lyfta litlafingri,“ segir Guðmundur H. Reynisson, sölustjóri Flest-Verk ehf., sem sérhæfir sig í endurgerð baðherbergja. „Við hófum reksturinn 2010 og höfum verið að gera upp að meðaltali 200 baðherbergi á ári.“ Guðmundur segir fyrirtæki af þessari gerð hafa sárvantað á Íslandi. „Akkúrat svona þjónustu, þar sem allir iðnaðarmenn eru á einum stað. Þá erum við í samstarfi við trausta innlenda birgja sem eru með alla flóruna í flísum, baðtækjum og fleiru.“ Guðmundur segir framkvæmdir yfirleitt ganga fljótt fyrir sig. „Ef til stendur að breyta öllu taka breytingarnar að meðaltali um tvær vikur, svo hratt gengur þetta.“ Nú standa yfir miklar breytingar hjá fyrirtækinu Flest-Verk. „Við ætlum að opna nýja verslun að Bæjarlind 4 í Kópavogi í apríl, þar sem gamli Players-barinn var áður. Búðin verður troðfull af flísum, baðtækjum og hugmyndum fyrir fólk í leit að öllu því sem þarf fyrir baðherbergið.“ Nánari upplýsingar fást í síma 618-6010. Eins er hægt að senda tölvupóst á gud@flestverk.