Anna Karen nýr sparisjóðstjóri Suður-Þingeyinga

Anna Karen Arnarsdóttir hefur verið ráðin sparisjóðsstjóri hjá Sparisjóði Suður-Þingeyinga. Hún mun hefja störf þann 13. janúar næstkomandi. Anna Karen hefur undanfarin sex ár starfað hjá Seðlabanka Íslands, lengst af í markaðsviðskiptum og fjárstýringu.

Anna Karen er viðskiptafræðingur með MSc í fjármálum og stjórnun frá Viðskiptaháskólanum í Kaupmannahöfn og BSc í viðskiptafræði frá sama skóla. Auk þess hefur hún lokið iðnrekstrarfræði frá Tækniskóla Íslands.

Anna Karen er fædd á Húsavík en fluttist þaðan tveggja ára. Maki hennar er Kári Marís Guðmundsson, verkfræðingur og eiga þau þrjú börn.