Leysa þarf vanda ÍLS í samvinnu við kröfuhafa

Í tilkynningu sem Íbúðalánasjóður (ÍLS) og velferðarráðuneytið hafa sent til Kauphallarinnar segir að vanda sjóðsins þarf að leysa í samvinnu við kröfuhafa hans. Jafnframt er áréttað að ÍLS nýtur ríkisábyrgðar.

Tilkynningin hljóðar svo: „Í viðtali Bloomberg við Eygló Harðardóttur, félags- og húsnæðismálaráðherra 29. maí er haft eftir ráðherranum að það sé sameiginlegt verkefni allra hlutaðeigandi aðila að finna lausn á vanda Íbúðalánasjóðs.

Ljóst er að stjórnvöld þurfa að taka á vanda Íbúðalánasjóðs og málefni hans eru til skoðunar en engar ákvarðanir hafa verið teknar í því efni.

Mikilvægt er að árétta að Íbúðalánsjóður nýtur fullrar ríkisábyrgðar. Það liggur ljóst fyrir að skilmálum skuldabréfa verður ekki breytt nema með samkomulagi við eigendur bréfanna.“