Menntastefna Framsóknar Fanný Gunnarsdóttir skrifar 17. apríl 2013 06:30 Eitt af því sem við eigum öll sameiginlegt er að hafa gengið í skóla og flestir hafa fjölbreytta reynslu af íslensku menntakerfi. Skólar í síbreytilegu samfélagi verða á öllum tímum að vera vel í stakk búnir til að sinna fræðsluhlutverki sínu og mæta ólíkum þörfum nemenda og fjölskyldna. Hver og einn nemandi verður að fá tækifæri til að velja nám sem byggir á færni hans, áhuga og þekkingu. Allt frá leikskólum eiga skólar að þróa með nemendum sínum jákvæða sjálfsmynd og sjálfstæði, samkennd, samfélagsvitund og samvinnu. Því er mikilvægt að foreldrar og nemendur hafi fjölbreytt val um skóla út frá stefnum, áherslum og ólíkum rekstrarformum. Í fjölbreyttu skólaumhverfi verða yfirvöld menntamála að tryggja eftirlit með gæðum skólastarfs og veita faglega ráðgjöf. Nemendur eiga að geta stundað nám á eigin hraða og gera þarf ráð fyrir að þeir geti verið lengur eða skemur á hverju skólastigi. Þannig mætum við enn betur þörfum hvers og eins í skóla margbreytileikans. Það verða að vera til skýrir verkferlar ef upp kemur ósk um að nemandi víki á einhvern hátt frá frá hefðbundnu 10 ára skyldunámi eða viðmiðunarstundaskrá. Á sama hátt þarf að setja skýrar reglur fyrir þá nemendur sem vilja stunda nám á tveimur skólastigum samtímis.Samstarf og samvinna Framsóknarflokkurinn hefur mótað sérstaka menntastefnu sem nær til allra skólastiga, aukinnar samvinnu, samstarfs og skörunar skólastiga. Jafnframt er fjallað um tengsl menntakerfis og atvinnulífs ásamt því hvernig unnt er að nýta enn betur jákvæða möguleika internetsins. Við viljum nýta netið til að bjóða nemendum upp á aukið námsframboð og fjölbreyttara námsefni. Í öllu skólastarfi, á öllum skólastigum í þéttbýli og dreifbýli er rétt að horfa til nýrrar tækni og þeirra möguleika sem netið býður upp á. Skólabragur hvers skóla verður að einkennast af jafnrétti og þeirri grundvallarhugsun að traust og vellíðan er undirstaða þess að nám geti átt sér stað. Við viljum bæta aðgengi að stuðningi og ráðgjöf - samvinnu ríkis og sveitarfélaga. Einnig þarf að virða ákvörðunarrétt nemenda og fjölskyldna þeirra sem vilja frekar nýta sér skóla sem vinna markvisst með nemendum með sértækar þarfir. Til þess að mæta ólíkum þörfum nemenda viljum við að nemendur taki samræmd könnunarpróf á næstsíðasta ári grunnskólans. Með því er hægt að skipuleggja enn betur síðasta árið með tilliti til þarfa nemenda. Einnig viljum við láta skoða þann möguleika að nemendur á síðasta ári grunnskóla geti valið að taka stöðupróf í grunngreinum og látið þau fylgja við innritun í framhaldsskóla. Hver og einn framhaldsskóli á að hafa heimild til að byggja á styrkleikum sínum og séreinkennum og haga námsframboði og starfsháttum í samræmi við það. Við viljum að fram fari faglegt mat á vegum menntamálayfirvalda á mismunandi leiðum að því markmiði að stytta um eitt ár nám að háskólastigi. Mikilvægt er að í því mati verði tryggt að menntun nemenda skerðist ekki og tekið verði tillit til félagslegra þátta og skólamenningar leik-, grunn- og framhaldsskóla. Eins og áður hefur komið fram verði lögð áhersla á samvinnu og samþættingu skólastiga. Það þarf að fara fram könnun á möguleikum á frekari samþættingu og samstarfi milli háskóla og á sama tíma styrkja dreifða starfsemi þeirra, fjarnám á háskólastigi og sérstöðu starfsstöðva vítt og breitt um landið. Hér á landi er eðlilegt að auka samstarf við erlenda háskóla því með því tryggjum við að þekking og nýjar hugmyndir berist hingað jafnt og þétt. Við viljum skoða rækilega þann möguleika að breyta hluta námslána í styrk til nemenda ef grunnnámi er lokið á tilsettum tíma. Styrkur sem þessi virkar vonandi hvetjandi á nemendur og styttir námstíma. Til þess að ná fram þessum markmiðum verða allir þeir sem koma að menntun og nemendum að vinna saman. Aðlaga þarf starfsumhverfi og starfsréttindi til að auðvelda samvinnu og skörun skólastiga. Í því sambandi er mikilvægt að skoða flutning framhaldsskóla til sveitarfélaga. Lykillinn að því að ná árangri er að skólarnir hafi á að skipa öflugum og hæfum kennurum. En til þess að svo megi verða þurfa kjör og starfsumhverfi að endurspegla mikilvægt hlutverk þeirra. Við mótun menntastefnunnar var víða leitað fanga. Stefnan byggir eðlilega á grunngildum Framsóknar, eldri áherslur í menntamálum og áherslum flokksmanna en auk þess var leitað eftir áliti fjölmargra einstaklinga sem tengjast menntamálum og skólastarfi á einn eða annan hátt. Í stuttri blaðagrein er ekki hægt að fjalla ítarlega um stefnuna. Því vil ég hvet alla þá sem hafa áhuga á skólamálum til að kynna sér enn betur menntastefnu Framsóknarflokksins en hana er að finna á heimasíðu flokksins. Viltu birta grein á Vísi? Sendu okkur póst. Senda grein Kosningar 2013 Skoðun Mest lesið Stórstraumsfjara mæld - HMS ráðþrota Magnús Guðmundsson Skoðun Leyfum mennskunni að sigra Anna Hildur Hildibrandsdóttir Skoðun Fjölskyldan fyrst Hólmfríður Jennýjar Árnadóttir Skoðun Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir Skoðun Sýnum fordómum ekki umburðarlyndi Snorri Sturluson Skoðun Landbúnaður á tímamótum – Við þurfum nýja stefnu Guðjón Sigurbjartsson Skoðun Dýravernd - frumbyggjahættir Árni Stefán Árnason Skoðun Sjómenn til hamingju! Lilja Rafney Magnúsdóttir Skoðun Feluleikur Þorgerðar Katrínar Hjörtur J. Guðmundsson Skoðun Við eigum allt. Af hverju finnst okkur samt vanta eitthvað? Valentina Klaas Skoðun Skoðun Skoðun Dýravernd - frumbyggjahættir Árni Stefán Árnason skrifar Skoðun Stórstraumsfjara mæld - HMS ráðþrota Magnús Guðmundsson skrifar Skoðun Sýnum fordómum ekki umburðarlyndi Snorri Sturluson skrifar Skoðun Landbúnaður á tímamótum – Við þurfum nýja stefnu Guðjón Sigurbjartsson skrifar Skoðun Sjómenn til hamingju! Lilja Rafney Magnúsdóttir skrifar Skoðun Leyfum mennskunni að sigra Anna Hildur Hildibrandsdóttir skrifar Skoðun Fjölskyldan fyrst Hólmfríður Jennýjar Árnadóttir skrifar Skoðun Hvað er markaðsverð á fiski? Sverrir Haraldsson skrifar Skoðun Tími til kerfisbundinna breytinga í samfélagstúlkun – ákall til stjórnvalda Anna Karen Svövudóttir skrifar Skoðun Fæðing Ísraels - Líkum misþyrmt BIrgir Dýrfjörð skrifar Skoðun Við eigum allt. Af hverju finnst okkur samt vanta eitthvað? Valentina Klaas skrifar Skoðun Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir skrifar Skoðun Tíðaheilbrigði er lykilatriði í jafnrétti kynjanna Berit Mueller skrifar Skoðun Þjóðarmorð – frá orðfræðilegu sjónarmiði Eiríkur Rögnvaldsson skrifar Skoðun Borgarlína, barnleysi og bíllaus lífstíll – hentar það Kópavogi? Einar Jóhannes Guðnason skrifar Skoðun Þakkir til starfsfólk Janusar Sigrún Ósk Bergmann skrifar Skoðun Mun gervigreindin senda konur heim? Björgmundur Örn Guðmundsson skrifar Skoðun Frá, frá, frá. Fúsa liggur á Eiríkur Hjálmarsson skrifar Skoðun Nokkur orð um stöðuna Dögg Þrastardóttir skrifar Skoðun Kynbundinn munur í tekjum á efri árum Sigríður Ingibjörg Ingadóttir,Steinunn Bragadóttir skrifar Skoðun #blessmeta – þriðja grein Guðrún Hrefna Guðmundsdóttir skrifar Skoðun Hvernig tryggir þú stærstu fjárfestingu lífins? Berglind Halla Elíasdóttir skrifar Skoðun Ritunarramminn - verkfæri fyrir kennara! Katrín Ósk Þráinsdóttir skrifar Skoðun Hvalveiðar eru ekki mannréttindi. Þetta er atvinnugrein sem hefur mistekist Ed Goodall skrifar Skoðun Feluleikur Þorgerðar Katrínar Hjörtur J. Guðmundsson skrifar Skoðun Ráðalaus ráðherra Högni Elfar Gylfason skrifar Skoðun Spólum til baka Snævar Ingi Sveinsson skrifar Skoðun Sögulegur dómur Hæstaréttar – staðfestir sjálfstæði Alþingis Erna Bjarnadóttir skrifar Skoðun Að vera fatlaður á Íslandi er full vinna Birna Ösp Traustadóttir skrifar Skoðun Sæluríkið Ísland Einar Helgason skrifar Sjá meira
Eitt af því sem við eigum öll sameiginlegt er að hafa gengið í skóla og flestir hafa fjölbreytta reynslu af íslensku menntakerfi. Skólar í síbreytilegu samfélagi verða á öllum tímum að vera vel í stakk búnir til að sinna fræðsluhlutverki sínu og mæta ólíkum þörfum nemenda og fjölskyldna. Hver og einn nemandi verður að fá tækifæri til að velja nám sem byggir á færni hans, áhuga og þekkingu. Allt frá leikskólum eiga skólar að þróa með nemendum sínum jákvæða sjálfsmynd og sjálfstæði, samkennd, samfélagsvitund og samvinnu. Því er mikilvægt að foreldrar og nemendur hafi fjölbreytt val um skóla út frá stefnum, áherslum og ólíkum rekstrarformum. Í fjölbreyttu skólaumhverfi verða yfirvöld menntamála að tryggja eftirlit með gæðum skólastarfs og veita faglega ráðgjöf. Nemendur eiga að geta stundað nám á eigin hraða og gera þarf ráð fyrir að þeir geti verið lengur eða skemur á hverju skólastigi. Þannig mætum við enn betur þörfum hvers og eins í skóla margbreytileikans. Það verða að vera til skýrir verkferlar ef upp kemur ósk um að nemandi víki á einhvern hátt frá frá hefðbundnu 10 ára skyldunámi eða viðmiðunarstundaskrá. Á sama hátt þarf að setja skýrar reglur fyrir þá nemendur sem vilja stunda nám á tveimur skólastigum samtímis.Samstarf og samvinna Framsóknarflokkurinn hefur mótað sérstaka menntastefnu sem nær til allra skólastiga, aukinnar samvinnu, samstarfs og skörunar skólastiga. Jafnframt er fjallað um tengsl menntakerfis og atvinnulífs ásamt því hvernig unnt er að nýta enn betur jákvæða möguleika internetsins. Við viljum nýta netið til að bjóða nemendum upp á aukið námsframboð og fjölbreyttara námsefni. Í öllu skólastarfi, á öllum skólastigum í þéttbýli og dreifbýli er rétt að horfa til nýrrar tækni og þeirra möguleika sem netið býður upp á. Skólabragur hvers skóla verður að einkennast af jafnrétti og þeirri grundvallarhugsun að traust og vellíðan er undirstaða þess að nám geti átt sér stað. Við viljum bæta aðgengi að stuðningi og ráðgjöf - samvinnu ríkis og sveitarfélaga. Einnig þarf að virða ákvörðunarrétt nemenda og fjölskyldna þeirra sem vilja frekar nýta sér skóla sem vinna markvisst með nemendum með sértækar þarfir. Til þess að mæta ólíkum þörfum nemenda viljum við að nemendur taki samræmd könnunarpróf á næstsíðasta ári grunnskólans. Með því er hægt að skipuleggja enn betur síðasta árið með tilliti til þarfa nemenda. Einnig viljum við láta skoða þann möguleika að nemendur á síðasta ári grunnskóla geti valið að taka stöðupróf í grunngreinum og látið þau fylgja við innritun í framhaldsskóla. Hver og einn framhaldsskóli á að hafa heimild til að byggja á styrkleikum sínum og séreinkennum og haga námsframboði og starfsháttum í samræmi við það. Við viljum að fram fari faglegt mat á vegum menntamálayfirvalda á mismunandi leiðum að því markmiði að stytta um eitt ár nám að háskólastigi. Mikilvægt er að í því mati verði tryggt að menntun nemenda skerðist ekki og tekið verði tillit til félagslegra þátta og skólamenningar leik-, grunn- og framhaldsskóla. Eins og áður hefur komið fram verði lögð áhersla á samvinnu og samþættingu skólastiga. Það þarf að fara fram könnun á möguleikum á frekari samþættingu og samstarfi milli háskóla og á sama tíma styrkja dreifða starfsemi þeirra, fjarnám á háskólastigi og sérstöðu starfsstöðva vítt og breitt um landið. Hér á landi er eðlilegt að auka samstarf við erlenda háskóla því með því tryggjum við að þekking og nýjar hugmyndir berist hingað jafnt og þétt. Við viljum skoða rækilega þann möguleika að breyta hluta námslána í styrk til nemenda ef grunnnámi er lokið á tilsettum tíma. Styrkur sem þessi virkar vonandi hvetjandi á nemendur og styttir námstíma. Til þess að ná fram þessum markmiðum verða allir þeir sem koma að menntun og nemendum að vinna saman. Aðlaga þarf starfsumhverfi og starfsréttindi til að auðvelda samvinnu og skörun skólastiga. Í því sambandi er mikilvægt að skoða flutning framhaldsskóla til sveitarfélaga. Lykillinn að því að ná árangri er að skólarnir hafi á að skipa öflugum og hæfum kennurum. En til þess að svo megi verða þurfa kjör og starfsumhverfi að endurspegla mikilvægt hlutverk þeirra. Við mótun menntastefnunnar var víða leitað fanga. Stefnan byggir eðlilega á grunngildum Framsóknar, eldri áherslur í menntamálum og áherslum flokksmanna en auk þess var leitað eftir áliti fjölmargra einstaklinga sem tengjast menntamálum og skólastarfi á einn eða annan hátt. Í stuttri blaðagrein er ekki hægt að fjalla ítarlega um stefnuna. Því vil ég hvet alla þá sem hafa áhuga á skólamálum til að kynna sér enn betur menntastefnu Framsóknarflokksins en hana er að finna á heimasíðu flokksins.
Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir Skoðun
Skoðun Tími til kerfisbundinna breytinga í samfélagstúlkun – ákall til stjórnvalda Anna Karen Svövudóttir skrifar
Skoðun Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir skrifar
Skoðun Borgarlína, barnleysi og bíllaus lífstíll – hentar það Kópavogi? Einar Jóhannes Guðnason skrifar
Skoðun Kynbundinn munur í tekjum á efri árum Sigríður Ingibjörg Ingadóttir,Steinunn Bragadóttir skrifar
Skoðun Hvalveiðar eru ekki mannréttindi. Þetta er atvinnugrein sem hefur mistekist Ed Goodall skrifar
Um spretthóp og lestrarkennslu. Hvatning til mennta- og barnamálaráðherra um faglega starfshætti Auður Soffíu Björgvinsdóttir Skoðun