Utan vallar: Prófum að samgleðjast öðrum Henry Birgir Gunnarsson skrifar 31. desember 2013 06:30 Gylfi Þór Sigurðsson, íþróttamaður ársins árið 2013. Að velja íþróttamann ársins er vandasamt verk. Stundum er erfitt að velja aðeins tíu á lista þar sem margt afreksfólk hefur átt frábært ár. Það hefur líka stundum komið fyrir að erfitt sé að fylla í sætin tíu á vondu íþróttaári. Þeim árum fer þó blessunarlega fækkandi. Íþróttaárið 2013 var til að mynda frábært og sjálfur lenti ég í stökustu vandræðum með að velja tíu íþróttamenn inn á minn lista. Ég þurfti að sniðganga íþróttafólk sem vel hefði sómt sér á topp tíu-listanum. Það er vitnisburður um hvað Íslendingar eiga mikið af frábæru afreksfólki í dag. Það er vel. Undanfarin ár hefur það gerst ítrekað að fólk sleppi sér í gremju og reiði yfir kjörinu. Það er oft hreinlega neyðarlegt að fylgjast með fólki fara offari. Í stað þess að samfagna þeim frábæra íþróttamanni sem hlýtur útnefninguna er bölsótast á samfélagsmiðlum, og víðar, yfir því að þessi eða hinn var ekki valinn. Miðað við þann fjölda af góðu afreksfólki sem við eigum er ljóst að aldrei verða allir sáttir. Ef einhver annar en Gylfi hefði fengið útnefninguna í ár er næsta víst að stór hluti fólks hefði samt reiðst og síðan farið mikinn á Facebook og víðar. Mér dettur ekki í hug að setjast í dómarasæti og segja að minn atkvæðaseðill sé betri en einhvers af kollegum mínum. Þeir sem kusu ekki á sama hátt og ég hafa sínar ástæður fyrir því og geta rökstutt sitt val vel. Rétt eins og ég tel mig geta með minn atkvæðaseðil. Ég ber því fulla virðingu fyrir þeirra skoðun. Að gera upp á milli frábærra íþróttamanna sem spila mismunandi íþróttir, eru í hóp- og einstaklingsíþróttum, keppa í missterkum deildum og mótum er eins og að bera saman epli og appelsínur. Gylfi Þór Sigurðsson er íþróttamaður ársins að þessu sinni og er svo sannarlega vel að þeim heiðri kominn. Gylfi dró vagninn fyrir íslenska landsliðið á árinu. Skoraði glæsileg mörk, steig upp og kláraði mikilvæga leiki, lagði síðan upp enn fleiri mörk er íslenska landsliðið náði sínum langbesta árangri í sögunni í vinsælustu og stærstu íþróttagrein heims. Hann er enn fremur hluti af einu besta liði ensku úrvalsdeildarinnar sem er sterkasta deild heims. Milljónir knattspyrnumanna dreymir um að komast þangað sem Gylfi er kominn en þar er aðeins pláss fyrir útvalda. Þá bestu og þar á meðal er Gylfi okkar. Það er gríðarlegt afrek. Að keppa á toppnum, eins og Gylfi gerir, þýðir að menn lenda í mikilli samkeppni og mótlæti. Gylfi hefur mætt öllu slíku af einstöku æðruleysi og dugnaði. Farið fram með góðu fordæmi. Ekki vælt í blöðunum heldur lagt harðar að sér og látið verkin tala. Það segir sína sögu að Tottenham er að ná betri árangri með hann inni á vellinum en utan hans. Gylfi Þór Sigurðsson er 24 ára gamall og glæsilegur fulltrúi íslensks íþróttafólks. Saga hans er mögnuð og gott dæmi um mann sem uppsker eins og hann sáir. Gylfi hefur alla tíð lagt mikið á sig aukalega til þess að ná árangri. Hann er hörkuduglegur, auðmjúkur og til fyrirmyndar að öllu leyti. Hann hefur til að mynda aldrei snert á áfengi né tóbaki. Í stað þess að kvarta yfir því af hverju einhver annar hafi ekki unnið ættu Íslendingar að gleðjast yfir því að eiga íþróttamann og einstaka fyrirmynd eins og Gylfa. Við eigum að samgleðjast íþróttamanninum og hampa honum enda á hann það skilið. Foreldrar eiga að segja börnum sínum frá því hvernig honum tókst að komast á toppinn og nýta sér það að Ísland eigi slíka fyrirmynd á íþróttasviðinu. Kröftunum er betur eytt í það en neikvætt tal, niðurrif og nöldur. Til hamingju, Gylfi, og aðrir frábærir íslenskir íþróttamenn sem gerðu það gott á árinu. Innlendar Pistillinn Mest lesið Yngsti þjálfarinn stýrði stærsta opnunarsigri í sögu EM Fótbolti Ratcliffe ræðst í fimmtíu milljóna punda endurbætur á Carrington æfingasvæðinu Enski boltinn Sir Alex og Mourinho sátu saman á opnunarleik EM Fótbolti Celtics vilja sjá Horford hampa titlinum: „Þetta snýst um meira en bara mig“ Körfubolti Spánverjar missa miðvörð í meiðsli fyrir fyrsta leik Fótbolti Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Körfubolti Bjarni lætur af störfum hjá KR Fótbolti Landsliðsmaður snýr heim úr atvinnumennsku og semur við Stjörnuna Körfubolti Öruggur heimasigur og sex mörk skoruð í opnunarleik EM Fótbolti Lallana snýr aftur til Southampton Enski boltinn Fleiri fréttir Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ DreamHack Summer 2024 Ratcliffe ræðst í fimmtíu milljóna punda endurbætur á Carrington æfingasvæðinu Dagskráin í dag: Tveir leikir í Bestu, úrslitaeinvígi á svellinu og opna bandaríska Spánverjar missa miðvörð í meiðsli fyrir fyrsta leik Lallana snýr aftur til Southampton Yngsti þjálfarinn stýrði stærsta opnunarsigri í sögu EM Celtics vilja sjá Horford hampa titlinum: „Þetta snýst um meira en bara mig“ Sir Alex og Mourinho sátu saman á opnunarleik EM Öruggur heimasigur og sex mörk skoruð í opnunarleik EM Landsliðsmaður snýr heim úr atvinnumennsku og semur við Stjörnuna Alba Berlin tapaði úrslitaeinvíginu án Martins Hulda verður áfram hjá Grindavík Besta upphitunin: Feðgin mættu í settið Ætla ellefu sinnum upp Esjuna og safna áheitum Fór fyrst í stöngina en síðan holu í höggi Goðsögn kveður Dortmund Lawrence fær risasamning Mættur á EM eftir að hafa gengið frá Glasgow til München Stórskotalið var á blaðamannafundi Vals Frábær umgjörð hjá kvennaliði Fylkis Everton vill fá 80 milljónir punda fyrir Branthwaite Ho You Fat í Hauka Skotar yfirtaka München: „Aldrei séð neitt þessu líkt“ Guðmundur framlengir: „Hefur lyft öllu á hærra plan“ Rory og Cantlay leiða á US Open Ekkert verður af endurkomu McGregor í búrið „Fínt að vera í þessu umhverfi, fá smá mótlæti og brekku“ Knattspyrnusambandið lét Couto dekkja hárið: „Þau sögðu að bleiki liturinn væri heimskulegur“ Dagskráin í dag: Opna bandaríska og Celtics geta orðið meistarar Sjá meira
Að velja íþróttamann ársins er vandasamt verk. Stundum er erfitt að velja aðeins tíu á lista þar sem margt afreksfólk hefur átt frábært ár. Það hefur líka stundum komið fyrir að erfitt sé að fylla í sætin tíu á vondu íþróttaári. Þeim árum fer þó blessunarlega fækkandi. Íþróttaárið 2013 var til að mynda frábært og sjálfur lenti ég í stökustu vandræðum með að velja tíu íþróttamenn inn á minn lista. Ég þurfti að sniðganga íþróttafólk sem vel hefði sómt sér á topp tíu-listanum. Það er vitnisburður um hvað Íslendingar eiga mikið af frábæru afreksfólki í dag. Það er vel. Undanfarin ár hefur það gerst ítrekað að fólk sleppi sér í gremju og reiði yfir kjörinu. Það er oft hreinlega neyðarlegt að fylgjast með fólki fara offari. Í stað þess að samfagna þeim frábæra íþróttamanni sem hlýtur útnefninguna er bölsótast á samfélagsmiðlum, og víðar, yfir því að þessi eða hinn var ekki valinn. Miðað við þann fjölda af góðu afreksfólki sem við eigum er ljóst að aldrei verða allir sáttir. Ef einhver annar en Gylfi hefði fengið útnefninguna í ár er næsta víst að stór hluti fólks hefði samt reiðst og síðan farið mikinn á Facebook og víðar. Mér dettur ekki í hug að setjast í dómarasæti og segja að minn atkvæðaseðill sé betri en einhvers af kollegum mínum. Þeir sem kusu ekki á sama hátt og ég hafa sínar ástæður fyrir því og geta rökstutt sitt val vel. Rétt eins og ég tel mig geta með minn atkvæðaseðil. Ég ber því fulla virðingu fyrir þeirra skoðun. Að gera upp á milli frábærra íþróttamanna sem spila mismunandi íþróttir, eru í hóp- og einstaklingsíþróttum, keppa í missterkum deildum og mótum er eins og að bera saman epli og appelsínur. Gylfi Þór Sigurðsson er íþróttamaður ársins að þessu sinni og er svo sannarlega vel að þeim heiðri kominn. Gylfi dró vagninn fyrir íslenska landsliðið á árinu. Skoraði glæsileg mörk, steig upp og kláraði mikilvæga leiki, lagði síðan upp enn fleiri mörk er íslenska landsliðið náði sínum langbesta árangri í sögunni í vinsælustu og stærstu íþróttagrein heims. Hann er enn fremur hluti af einu besta liði ensku úrvalsdeildarinnar sem er sterkasta deild heims. Milljónir knattspyrnumanna dreymir um að komast þangað sem Gylfi er kominn en þar er aðeins pláss fyrir útvalda. Þá bestu og þar á meðal er Gylfi okkar. Það er gríðarlegt afrek. Að keppa á toppnum, eins og Gylfi gerir, þýðir að menn lenda í mikilli samkeppni og mótlæti. Gylfi hefur mætt öllu slíku af einstöku æðruleysi og dugnaði. Farið fram með góðu fordæmi. Ekki vælt í blöðunum heldur lagt harðar að sér og látið verkin tala. Það segir sína sögu að Tottenham er að ná betri árangri með hann inni á vellinum en utan hans. Gylfi Þór Sigurðsson er 24 ára gamall og glæsilegur fulltrúi íslensks íþróttafólks. Saga hans er mögnuð og gott dæmi um mann sem uppsker eins og hann sáir. Gylfi hefur alla tíð lagt mikið á sig aukalega til þess að ná árangri. Hann er hörkuduglegur, auðmjúkur og til fyrirmyndar að öllu leyti. Hann hefur til að mynda aldrei snert á áfengi né tóbaki. Í stað þess að kvarta yfir því af hverju einhver annar hafi ekki unnið ættu Íslendingar að gleðjast yfir því að eiga íþróttamann og einstaka fyrirmynd eins og Gylfa. Við eigum að samgleðjast íþróttamanninum og hampa honum enda á hann það skilið. Foreldrar eiga að segja börnum sínum frá því hvernig honum tókst að komast á toppinn og nýta sér það að Ísland eigi slíka fyrirmynd á íþróttasviðinu. Kröftunum er betur eytt í það en neikvætt tal, niðurrif og nöldur. Til hamingju, Gylfi, og aðrir frábærir íslenskir íþróttamenn sem gerðu það gott á árinu.
Innlendar Pistillinn Mest lesið Yngsti þjálfarinn stýrði stærsta opnunarsigri í sögu EM Fótbolti Ratcliffe ræðst í fimmtíu milljóna punda endurbætur á Carrington æfingasvæðinu Enski boltinn Sir Alex og Mourinho sátu saman á opnunarleik EM Fótbolti Celtics vilja sjá Horford hampa titlinum: „Þetta snýst um meira en bara mig“ Körfubolti Spánverjar missa miðvörð í meiðsli fyrir fyrsta leik Fótbolti Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Körfubolti Bjarni lætur af störfum hjá KR Fótbolti Landsliðsmaður snýr heim úr atvinnumennsku og semur við Stjörnuna Körfubolti Öruggur heimasigur og sex mörk skoruð í opnunarleik EM Fótbolti Lallana snýr aftur til Southampton Enski boltinn Fleiri fréttir Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ DreamHack Summer 2024 Ratcliffe ræðst í fimmtíu milljóna punda endurbætur á Carrington æfingasvæðinu Dagskráin í dag: Tveir leikir í Bestu, úrslitaeinvígi á svellinu og opna bandaríska Spánverjar missa miðvörð í meiðsli fyrir fyrsta leik Lallana snýr aftur til Southampton Yngsti þjálfarinn stýrði stærsta opnunarsigri í sögu EM Celtics vilja sjá Horford hampa titlinum: „Þetta snýst um meira en bara mig“ Sir Alex og Mourinho sátu saman á opnunarleik EM Öruggur heimasigur og sex mörk skoruð í opnunarleik EM Landsliðsmaður snýr heim úr atvinnumennsku og semur við Stjörnuna Alba Berlin tapaði úrslitaeinvíginu án Martins Hulda verður áfram hjá Grindavík Besta upphitunin: Feðgin mættu í settið Ætla ellefu sinnum upp Esjuna og safna áheitum Fór fyrst í stöngina en síðan holu í höggi Goðsögn kveður Dortmund Lawrence fær risasamning Mættur á EM eftir að hafa gengið frá Glasgow til München Stórskotalið var á blaðamannafundi Vals Frábær umgjörð hjá kvennaliði Fylkis Everton vill fá 80 milljónir punda fyrir Branthwaite Ho You Fat í Hauka Skotar yfirtaka München: „Aldrei séð neitt þessu líkt“ Guðmundur framlengir: „Hefur lyft öllu á hærra plan“ Rory og Cantlay leiða á US Open Ekkert verður af endurkomu McGregor í búrið „Fínt að vera í þessu umhverfi, fá smá mótlæti og brekku“ Knattspyrnusambandið lét Couto dekkja hárið: „Þau sögðu að bleiki liturinn væri heimskulegur“ Dagskráin í dag: Opna bandaríska og Celtics geta orðið meistarar Sjá meira
Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Körfubolti
Hélt að hásinin hefði slitnað: „Fékk svona tilfinningu eins og einhver hefði sparkað aftan í mig“ Körfubolti