Beið eftir Bert

Atli Fannar, aðstoðarmaður Guðmundar Steingrímssonar alþingismanns, hefur gaman af lestri góðra bóka um jólin.

„Já, ég les mjög mikið. Um jólin gefst líka mikill tími til að glugga í Facebook og sjá hvað vinirnir (og fólk sem maður þekkir ekki neitt) fékk í jólagjöf.



Hver er skemmtilegasta jólabók sem þú hefur lesið?

„Minnisstæðustu bækurnar eru hiklaust bækurnar um Bert sem ég beið spenntur eftir um hver jól fyrir tæpum tuttugu árum. Ég hef ekki verið jafn spenntur fyrir bókum síðan. Þar sem vegurinn endar eftir Hrafn Jökulsson situr þó alltaf í mér af einhverjum ástæðum.“



Hvaða bók langar þig til að fá þessi jól?

„Æ, ég veit það ekki. Fólk mætti alveg koma mér á óvart og gefa mér eitthvað eftir Bret Easton Ellis eða Chuck Klosterman.“