Undirrita samning við Kína um aukið samstarf á sviði tækni og vísinda

Illugi Gunnarsson menntamálaráðherra undirritaði í dag samning við Kína um aukið samstarf á sviði tækni og vísinda.

Tilgangur samningsins er að efla enn frekar samstarf landanna á þessum sviðum með heimsóknum, vistaskiptum vísindamanna og framhaldsnema, sameiginlegum rannsóknarverkefnum og samskiptum af öðru tagi.

Í kjölfar samningsins verður sett á fót sameiginleg nefnd landanna sem verður samningsaðilum til ráðgjafar um framkvæmd nýs samstarfs.

Aðstoðarráðherra Kína á sviði tækni og vísinda, Cao Jianlin, undirritaði samninginn fyrir hönd Alþýðulýðveldisins og fór undirritunin fram í Þjóðmenningarhúsinu í dag klukkan þrjú.