Opinbera samband sitt

Leikarinn Bradley Cooper hefur nú gert samband sitt við bresku fyrirsætuna Suki Waterhouse opinbert en parið eyddi helginni í rómantískri ferð í París.

18 ára aldursmunur er á parinu sem byrjaði að slá sér upp fyrir um mánuði síðan eftir að þau kynntust á verðlaunaafhendingu tímaritsins Elle í London. Waterhouse er vinsæl fyrirsæta í Bretlandi og hefur setið fyrir í fjölmörgum auglýsingarherferðum þar í landi. Cooper hætti með kærustu sinni til langs tíma, Zoe Saldana, fyrir jól en hefur einnig verið kenndur við leikkonur á borð við Renee Zellweger og Jennifer Aniston.

Cooper tók sér leyfi frá tökum um helgina en hann er í óða önn að taka upp ónefnda mynd með leikstjóranum David O. Russell ásamt leikkonunni Jennifer Lawrence, en þau slógu í gegn í myndinni Silver Linings Playbook í fyrra.