Fékk reiðikast á sviðinu

Skoski leikarinn James McAvoy stöðvaði sýningu á Macbeth þegar hann tók eftir að einn áhorfendanna var að taka leiksýninguna upp. McAvoy lét ekki þar við sitja heldur öskraði á áhorfandann og var hinn reiðasti.

Hinn 34 ára gamli leikari, sem lék meðal annars í kvikmyndinni Last King of Scotland, neitaði að halda áfram með sýninguna fyrr en áhorfandinn legði frá sér myndavélina. Þessi vandræðalegi atburður átti sér stað á sýningu á Macbeth í Trafalgar Studios í London.