Heimsótti skóla í Madagaskar

Söngkonan Katy Perry er ötull tals- og stuðningsmaður UNICEF-samtakanna. Hún heimsótti þorpið Ampihaonana á Analanjirofo-svæðinu á Madagaskar og heimsótti meðal annars næringarmiðstöð og skóla ásamt því að ræða við íbúa þorpsins.

„Menntun er ómetanlegt tækifæri fyrir börnin hér. Þau og kennarar þurfa oft að ganga í 45 mínútur til þess að komast í skólann,“ sagði Perry við þetta tækifæri. Skólinn í Ampihaonana eyðilagðist er hvirfilvindur gekk yfir svæðið en hægt var að byggja nýjan með fjárhagsaðstoð frá UNICEF. Í nýju skólabyggingunni eru kynjaskipt baðherbergi og hreint drykkjarvatn.