Svartsýni ríkir í sjávarútvegi

Stjórnendur sjávarútvegsfyrirtækja spá því að fjárfesting dragist saman á næsta ári og telja að horfur séu á að ástandið í efnahagslífinu eigi ekki eftir að batna á næstu sex mánuðum. Þetta kemur fram á vef LÍÚ og er vísað í árlega könnun Samtaka atvinnulífsins og Seðlabankans.

Þar kemur jafnframt fram að stjórnendur sjávarútvegsfyrirtækja telji að framlegð fyrirtækja muni dragast verulega saman á sama tíma og einungis ellefu prósent þeirra sjá fram á fjölgun starfa.