10 gíra Volkswagen

Bæta við mörgum gerðum Plug-In Hybrid bíla.

Brátt mun Volkswagen kynna nýja afkastamikla dísilvél sem skilar 134 hestöflum á hvern lítra sprengirýmis. Við þá vél mun síðan tengjast 10 gíra DSG sjálfskipting. Óvíst er hvort þessar nýjungar muni fyrst sjást í Volkswagen bílum eða öðrum undirmerkjum Volkswagen, svo sem Audi.

Volkswagen menn vinna sveittir að fleiri nýjungum og til stendur að bæta hressilega við Plug-In Hybrid gerðir Volkswagen, Audi og Porsche bíla. Nú þegar má fá Audi A3 og Porsche Panamera í Plug-In Hybrid gerðum, en á næstunni munu ennfremur bjóðast Volkswagen Golf og Passat, Audi A6 og Porsche Cayenne.