Leikur í mynd Lucs Besson

Scarlett Johansson hefur tekið að sér aðalhlutverkið í hasarmyndinni Lucky í leikstjórn Frakkans Lucs Besson. Hún fjallar um konu sem er neydd til að smygla eiturlyfjum úr landi. Um leið og hún gleypir eiturlyfin öðlast hún ofurkrafta.

Besson er þekktur fyrir myndir með kraftmiklum konum í stórum hlutverkum, þar á meðal La Femme Nikita og Joan of Arc. Hann samdi handritið sjálfur.

Johansson lék síðast í hasarmyndinni The Avengers. Hún er þessa dagana að leika í framhaldsmyndinni Captain America: The Winter Soldier.