Skuldatryggingaálag Íslands það lægsta frá ársbyrjun 2008

Skuldatryggingaálagið á ríkissjóð Íslands er nú komið niður í 160 punkta og hefur ekki verið lægra síðan í upphafi ársins 2008.

Þetta kemur fram á vefsíðunni Keldan.is sem fær sína upplýsingar frá Bloomberg og CMA gagnaveitunni. Álagið hefur stöðugt farið lækkandi frá því í sumar. Það fór hinsvegar hæst í í 312 punkta í júní í fyrra og hefur því lækkað um 152 punkta síðan þá.

Skuldatryggingaálag upp á 160 punkta þýðir að það þarf að greiða 1,6% af nafnverði skuldabréfs til fimm ára til að tryggja það gegn greiðslufalli.