Helgarmaturinn - Holl og góð spínatbaka

Nína Rut Óladóttir er nemi í Kvennaskólanum og hefur gaman af ljósmyndun og innanhússhönnun. Hún fer reglulega í ræktina og hefur einstaklega mikinn áhuga á matargerð. Hér deilir hún með Lífinu hollri uppskrift að spínatböku með hvítlauk, grænmeti og osti.

Deig

1,5 dl hveiti

1,5 dl heilhveiti

125 g smjör

3 msk. vatn

Fylling

250 g frosið spínat

2-3 hvítlauksrif

1 msk. olía

175 g fetaostur

4 egg

1 tsk. salt

Pipar eftir smekk

1 msk. jurtakrydd

1 dós tómatar

1.  Deigið er hnoðað saman og látið hvíla í kæli á meðan fyllingin er gerð. Síðan er deigið sett í eldfast form og pikkað með gaffli. Deigið skal forhita í 10 mínútur við 200°C í ofninum.

2.  Spínat og hvítlaukur eru bæði mýkt í olíunni, þar til mesti vökvinn er farinn úr spínatinu og síðan látið kólna.

3. Eggin eru léttpískuð í skál og síðan er öllu blandað saman og hellt í formið. Bökuna skal baka í ofninum í 45 mínútur við 200°C hita.

4. Spínatbakan er að lokum borin fram með fersku salati, sem geta verið tómatar, vínber og ýmislegt annað gómsætt.