Fyrrverandi ráðherra til liðs við Björn Inga

Björgvin G. Sigurðsson, fyrrverandi ráðherra og þingmaður Samfylkingarinnar, hefur verið ráðinn umsjónarmaður Menningarpressunnar.

Hefur hann yfirumsjón með umfjöllun um menningu og listir á Pressunni.

„Ég hef lengi haft mikinn áhuga á listum og menningu hverskonar og hlakka því sérstaklega til að geta helgað mig umfjöllun um menninguna í allri sinni breidd,“ er haft eftir Björgvini í tilkynningu.  

Björgvin var alþingismaður fyrir Samfylkinguna árin 2003-2013 og viðskiptaráðherra 2007-2009. Hann er nú varaþingmaður fyrir Samfylkinguna í Suðurkjördæmi.