Nýr framkvæmdastjóri Ferðaskrifstofu Íslands

Margrét Helgadóttir hefur verið ráðin framkvæmdastjóri Ferðaskrifstofu Íslands. Í tilkynningu frá félaginu segir að Margrét hafi áralanga reynslu af störfum á sviði ferðamála og sé fyrsta konan til þess að gegna starfinu.

Margrét lauk námi í ferðamálafræðum frá HTC College í Bandaríkjunum og BS gráðu í

fjölmiðla- og upplýsingafræði frá Ohio University í Bandaríkjunum árið 1989. Margrét er gift Ásgeiri Heimi Guðmundssyni viðskiptafræðingi og saman eiga þau 3 börn.

Ferðaskrifstofa Íslands er stærsta ferðaskrifstofa landsins sem samanstendur af Úrvali Útsýn, Sumarferðum og Plúsferðum, auk þess að vera eigandi að Heklu Travel í Danmörku og Svíþjóð. Fyrirtækið hefur selt landsmönnum ferðir til útlanda allt frá árinu 1956.

Þrjár konur eru nú í yfirstjórn ferðaskrifstofunnar en auk Margrétar eru þær Rannveig

Guðmundsdóttir fjármálastjóri og Steinunn Tryggvadóttir sölu-og starfsmannastjóri.