Frábært úrval – allt fyrir hlauparann á einum stað

Í Útilífi er hægt að nálgast öll aðalmerkin í hlaupunum. Þar eru bæði stærstu merkin, eins og Nike, Adidas, ASICS og Under Armor, og einnig gott úrval frá merkjum eins og Puma, Brooks, CW-X, 2XU, Helly Hansen, The North Face, Compressport, Seger og Camelbak.

„Úrval hlaupavara er mikið í öllum verslunum Útilífs en nú höfum við tekið saman allar hlaupavörurnar okkar á einn stað fremst í verslun okkar í Kringlunni og gert þær þannig enn aðgengilegri viðskiptavinum,“ segir Svanhildur Kristjónsdóttir, innkaupastjóri Útilífs.

„Í hlaupadeildinni leggjum við áherslu á gott úrval og bjóðum upp á sérhæfingu í vöruúrvalinu. Þar má til dæmis nefna svokallaðar Compression-vörur eða aðhaldsvörur fyrir hlaupara. Þær gera þeim kleift að hlaupa lengur og halda betur út þar sem Compression-fatnaðurinn þrýstir vel að öllum vöðvum og eykur blóðflæðið. Einnig má fá hjá Útilífi hlaupavörur sem eru hugsaðar fyrir utanvegahlaup, til dæmis frá Helly Hansen og The North Face auk stóru merkjanna,“ segir Svanhildur.

„Við munum einnig bjóða reglulega upp á faglega ráðgjöf í hlaupahorninu, frá fulltrúum birgjanna okkar en við leggjum mikla áherslu á að starfsfólk okkar sé vel þjálfað og þekki vöruna sem það selur,“ segir Svanhildur. „Við leggjum metnað okkar í að geta veitt sem besta þjónustu. Einkunnarorð okkar eru: Frábært úrval á einum stað og allt í einni ferð fyrir hlauparann.“