Útvarpsstjörnur á útopnu

Útvarpsstöðin K100 fagnaði eins árs afmæli á föstudaginn var á veitingarstaðnum Lebowski. Sigvaldi Kaldalóns dagskrárstjóri stöðvarinnar var í essinu sínu en nákvæmlega eitt ár er síðan morgunþáttur hans og Svavars Arnars hárgreiðslumanns, sem ber heitið Svali og Svavar, fór í loftið.

Svavar var fjarri góðu gamni á afmælisdaginn þar sem hann var staddur erlendis. "Svavar lét bjóða sér í annað afmæli í London. Sem var reyndar hjá mjög góðri vinkonu hans þannig að ég varð að leyfa honum að fara. Hefði reyndar viljað hafa hann með þetta kvöld því þá hefði hann verið útskrifaður í SnapChat-i en afmælið var snappað í allar áttir," segir Svali sem lærði sjálfur á SnapChat símaforritið þetta kvöld undir dyggri handleiðslu Bjarkar Eiðsdóttur fráfarandi ritstjóra Séð og Heyrt, sem sá til þess að Svavar fengi skemmtileg myndbönd send í gegnum SnapChat til London.

Dragðu Tarotspil dagsins hér.