Fjármálaráðherra hvetur kröfuhafa ÍLS til að sýna sveigjanleika

Bjarni Benediktsson fjármálaráðherra hvetur kröfuhafa Íbúðalánasjóðs (ÍLS) til þess að vera "sveigjanlegir" í samningum, verði óskað eftir skilmálabreytingum á útistandandi skuldabréfum sjóðsins. Ráðherrann telur halla sjóðsins vera alvarlegt mál og telur að leysa þurfi vanda hans á þessu ári.

Þetta kemur fram í viðtali Bloomberg fréttaveitunnar við Bjarna. „Það myndi að minnsta kosti hjálpa til ef kröfuhafarnir sýndu einhvern sveigjanleika í tilfelli Íbúðalánasjóðs ef sjóðurinn vill ræða um breytingar á skilmálum skuldabréfa sjóðsins,“ segir Bjarni.

Bjarni ítrekar að Íbúðalánasjóður nýtur ríkisábyrgðar og að engin áform séu um að afnema þá ábyrgð. Hinsvegar sé taprekstur sjóðsins alvarlegt mál.