Páll og Ragnhildur fyrirliðar í KPMG-bikarnum

Páll Ketilsson og Ragnhildur Sigurðardóttir eru fyrirliðar í KPMG-bikarnum sem er lokamót ársins hjá Golfsambandi Íslands. Í mótinu leika úrvalslið Reykjavíkur og Landsbyggðarinnar. Páll, sem er ritstjóri Golfs á Íslandi, stýrir Landsbyggðinni. Liðstjóri Höfuðborgarsvæðisins er margfaldur Íslandsmeistari, Ragnhildur Sigurðardóttir.

Auk liðakeppninnar fer fram áheitagolf þar sem allir keppendur taka þátt í að styðja við Ljósið, en KPMG hefur heitið á þátttakendur með þeim hætti að þeir sem hitta 16. flötina leggja samtökunum til 20 þúsund. Heildarupphæð áheita munu leggjast við söfnun til styrktar Ljósinu sem Sigurður Hallvarðsson hefur staðið fyrir á undanförnum árum.

Liðin voru formlega kynnt í höfuðstöðvum KPMG í Borgartúni og keppa eftirtaldir kylfingar í 1. umferð sem er fjórleikur, en þar spila báðir leikmenn sínum bolta en betra skorið telur. Á morgun verða leikinn fjórleikur og fjórmenningur. Á laugardag fer fram lokaumferðin en þá verður leikinn tvímenningur. Þetta er í fimmta sinn sem keppnin fer fram.



Höfuðborgin                                    Landsbyggðin

1.Leikur  Nökkvi Gunnarson      vs.  Rúnar Arnórsson

              Ragna Björk Ólafsdóttir        Signý Arnórsdóttir



2.Leikur  Gunnhildur Kristjánsdóttir  vs.  Benedikt Sveinsson

            Særós Eva Óskarsdóttir           Örvar Samúelsson



3.Leikur  Egill Ragnar Gunnarsson   vs.  Bjarki Pétursson

             Kristinn Reyr Sigurðsson         Guðrún Brá Björgvinsdóttir



4.Leikur  Óðinn Þór Ríkharðsson      vs.  Ísak Jasonarson

             Björn Óskar Guðjónsson          Fannar Ingi Steingrímsson



5.Leikur  Kristján Þór Einarsson        vs.  Gísli Sveinbergsson

            Kristófer Orri Þórðarson         Henning Darri Þórðarson

6.Leikur  Sigurður Hafsteinsson        vs.  Tinna Jóhannsdóttir

            Alfreð Brynjar Kristinsson           Valdís Þóra Jónsdóttir