660.500 krónur til Mottumars

Aðstandendur ELO-heiðurstónleikanna í Eldborgarsalnum á dögunum hafa afhent 660.500 krónur til Krabbameinsfélagsins. Ákveðið var fyrir tónleikana að 500 krónur af hverjum seldum miða myndu renna til styrktar Mottumars og gekk miðasalan mjög vel.

Ákveðið hefur verið að endurtaka leikinn að ári. 21. mars 2014 verða haldnir Led Zeppelin- heiðurstónleikar í Hörpu þar sem 500 kr. af hverjum seldum miða renna til styrktar Mottumars. Eiríkur Hauksson, Eyþór Ingi og Stefán Jakobsson munu þenja raddböndin á tónleikunum.