Renault Alpine 110-50 afmælisútgáfa

Forveri hans var sigursælasti rallbíll heims uppúr 1970.

Í tilefni af 50 ára afmæli Renault A110 bílsins hefur Renault skapað þennan hugmyndabíl og hann er nú fyrst sýndur almenningi á bílasýningunni í Shanghai, sem nú stendur yfir. Renault Alpine 110 sem sást reyndar fyrst árið 1961 var ráðandi bíll í rallakstri uppúr 1970. Blái liturinn á nýja bílnum er engin tilviljun en hann er sá sami og var á hinum sigursæla forvera sínum.

Nýi bíllinn er að miklu leiti gerður úr koltrefjum og vélin er 3,5 lítra V6, 400 hestöfl og tengist hún sex gíra og tveggja kúplinga sjálfskiptingu. Hurðir bílsins er svokallaðar vængjahurðir. Alls ekki er víst að þessi bíll fari nokkurntíma í framleiðslu, en gaman væri ef svo yrði.