Vöruverð hækkar þrátt fyrir styrkingu krónunnar

ASÍ veltir þeirri spurningu fyrir sér af hverju verð á innfluttum vörum hafi ekki lækkað þrátt fyrir að gengi krónunnar hafi styrkst um 11% frá áramótum. Þvert á móti hafa innfluttar hækkað um 2,5% frá því í janúarmánuði.

Í tilkynningu frá ASÍ segir að verðlag hækkaði um 0,19% í aprílmánuði og mælist 12 mánaða verðbólga nú 3,3% að því er fram kemur í nýjum tölum Hagstofu Íslands um vísitölu neysluverðs sem birtar voru í morgun. Húsnæðiskostnaður hefur mest áhrif til hækkunar á verðlagi í mánuðinum en á móti vegur nokkur lækkun á bensínverði og nýjum bílum frá fyrra mánuði. Þrátt fyrir umtalsverða styrkingu krónunnar á undanförum mánuðum sjást þess þó lítil merki í verðlagi á innfluttum vörum.

Gengi krónunnar hefur undanfarna mánuði styrkst umtalsvert og er gengisvísitalan nú um 11% lægri en í upphafi árs. Þrátt fyrir þetta sjást lítil merki um að þessi styrking skili sér í verði innfluttra vara. Í heildina hafa innfluttar vörur skv. vísitölunni hækkað um 2,5% frá því í janúarmánuði. Innfluttar mat- og drykkjarvöru (að grænmeti undanskyldu) hafa hækkað um 0,8% á sama tímabili, verð nýjum bílum er nánast hið saman nú og í upphafi árs og bílavarahlutir hafa hækka um 2,6%.

Þessi þróun verkur upp spurningar um hvar orðið hafi um fyrirheit um aðhald í verðlagsmálum sem samstaða var um við endurskoðun kjarasamninga í upphafi árs. Launafólki er með þessu gefið langt nef og hvetur Alþýðusambandið almenning til að sýna áfram samstöðu og veita söluaðilum virkt aðhaldi  með því að senda inn ábendingar um verðlag inn á www.vertuaverdi.is, að því er segir í tilkynningunni.