Lýst yfir ábyrgðarleysi Hjalti Þórisson skrifar 25. apríl 2013 14:30 Það má einu gilda þó skillítið nóboddí af kjörskránni eins og undirritaður, teljist ekki vikta þungt þegar þjóðráðin ráðast. Ég áskil mér eigi að síður allan rétt til að firra mig ábyrgð á óhæfuverkum sem eru hér í uppsiglingu og eru reyndar þegar hafin. Vesalingur minn hefur, ásamt einstaka hjáróma rödd, ítrekað reynt að vara við þeim ófarnaði. Sú sturlaða umræða, sem hér hefur bulið á síðustu ár í vaxandi mæli varðandi það sem er kallað er „fjármál heimilanna" og hefur beinst gegn verðmætistryggingu fjárskuldbindinga, sem kallast verðtrygging, hefur nú skilað sér í því að alvöru hætta steðjar að því heilbrigðismeðali sem hún er í okkar verðbólgusjúka hagkerfi. Stjórnmálastéttin, nánast eins og hún leggur sig, hefur látið undan háreistinni og dregist inn í vinsældakapphlaupið - misst kjarkinn. Það sést og heyrist þegar hvert hreystimennið á fætur öðru lippast niður og kikknar í hnjánum og tekur undir með kórnum - þegar fylgistölurnar lækka. Þegar hefur verið unnið skemmdarverk á þessu kerfi með því að flokki í stjórnarminnihluta hélst það uppi á seinni hluta kjörtímabilsins að knýja fram sérstakt gæluverkefni eins þingmanns þeirra - sem kallað er „minnkað vægi verðtrygginga" og lýsir sér nú um stundir í lánveitingum á svokölluðum „óverðtryggðum" lánum og meira að segja Íbúðalánasjóður rembist við að láta kúgast. Er lagst á árar við að telja fólki trú um ágæti slíkra lána. Við því var varað. Ein atlagan er sú, að fá verðtryggingu dæmda ólöglega - með vísan til þess að veðbundin fjárfestingalán í fasteignum teljist neytendalán. Slík lán eru eðli máls samkvæmt ekki neytendalán og ef lög eða tilskipanir gefa eitthvað annað í skyn eru það ólög. Því verður þó að treysta að málið falli á þeim öðrum bábyljum sem til er tjaldað. Til marks um vinsældakvíða pólitíkusanna er, að Alþingi samþykkti nýskeð að veita málsókninni sérstaka flýtimeðferð fyrir dómstólum. Nú liggur lífið á. Þannig stendur stjórnmálastéttin í ístaðinu. Það yrði til að kóróna endemin hér - að það yrði dæmt ólöglegt að verðmætistryggja fjárskuldbindingar og léða fjármuni. Lögleysan liggur í breytilegu vöxtum, sem illu heilli voru átölulaust innleiddir af Seðlabankanum þann 1. maí 1976. Það tekur þó steininn úr þegar stjórnmálaflokkur - setur það á oddinn að afnema verðtryggingu og sópar til sín fjöldafylgi út á það. Eina vonarglætan felst í því að hann mun hafa sett það sem stjórnarmyndunarskilyrði. Ætla aðrir, vonandi ábyrgari, stjórnmálaflokkar að láta dragst út í það forað? - fyrir ráðherrastóla. Það er ekki ný bóla hér, að hýstería og múgsefjun grípi um sig og ráði för. Þá kemst ekkert annað að en upphrópanir og til lítils að æmta. Í þessu efni hefur sýnt sig að það er ekki yfirveguð, upplýst og rökviss umfjöllun sem nær eyrum landans, enda uppgjöfin í því efni æpandi. Rangfærslurnar eru látnar óátaldar án enda og bylja í eyrum - svo sem það öfugmælið að verðtrygging stuðli að verðbólgu, og eins, að hún hamli hagstjórninni. Slíkt fleipur lætur vel í eyrum einhverra. Það ærir óstöðugan að bera til baka allar þær rangfærslur og bábyljur sem hver étur eftir öðrum - t.d. ósannindi eins og þau, sem t.d. heyrast frá þingmönnum, að Íslendingar borgi húsnæði sitt tvisvar eða jafnvel oftar. Ég tel mér ekki skylt, frekar en öðrum blöðruselum, að rökstyðja mál mitt hér - til þess gefst hér hvorki pláss né tími. Margar og ítrekaðar óskir og tillögur um að fá vitræna umræðu um þessu mál og skilmerkilega kynningu á þeim, hafa ekki verið þegnar - af helstu umræðuþáttum Ríkisútvarpsins: Kastljósi, Speglinum, Silfrinu. Þar á bæjum er borist með straumnum. Til að bæta úr þessari vöntun vísa ég hér í greinar mínar, þær sem finna má á netinu. (Frbl.9.12.2010 og 28.7.2010, Mbl. 23.2.1997 og 20. 11 1991) Ábyrgðin á því ófremdarástandi sem hér er, varðandi fjárhagsstöðu ýmissa aðila eftir hrun, er þeirra stjórnmálaafla sem losuðu hér um allar hömlur og hleyptu öllu upp í loft - skaðinn er slíkur að hann verður ekki lagaður - þeirra afla sem nú njóta fyrirgefningar og velþóknunar þjóðarinnar - búsáhalda hvað ! Hér væri hins vegar allt enn ískyggilegra ef ekki nyti við verðtryggingar - og verðbólgan margföld það sem hún er nú um stundir. Dýrt var hrunið - en dýrkeyptari mun þessi „björgunaraðgerð" verða. Í ljósi þeirrar sturluðu umræðu, sem veður uppi í samfélaginu og pólitíkinni, um þessi mál og þeirra ískyggilegu vísbendinga sem skoðanakannanir veita, sé ég mig, sem kjósandi, persónulega knúinn til að lýsa yfir fullkomnu ábyrgðarleysi mínu á því sem fylgja kann í kjölfarið. Jafnframt lít ég á það sem aðför að mér og ólíðanlegt brot á réttindum mínum ef hróflað verður við lánskjörum mínum og ef rift verður þeim skilmálum sem ég hef skrifað upp á og nýt vel sáttur, sem eru og verið hafa verðtryggð. Ég þvæ hendur mínar. Hjalti Þórisson, skelkaður kjósandi Slóðir: Fréttablaðið 9.12.2010 https://www.visir.is/minnkad-vaegi-verdtrygginga-!!/article/2010572928804 Fréttablaðið 28.7.2010 http://epaper.visir.is/media/201007280000/pdf_online/1_18.pdf Morgunblaðið 23.2.1997 http://www.mbl.is/mm/gagnasafn/grein.html?grein_id=316682 Morgunblaðið 20. 11 1991 http://timarit.is/view_page_init.jsp?pageId=1754388 Viltu birta grein á Vísi? Sendu okkur póst. Senda grein Kosningar 2013 Skoðun Mest lesið Hvernig hljómar 100.000 kr. mánaðarlegur samgöngustyrkur? Valur Elli Valsson Skoðun Trumpistar eru víða Trausti Breiðfjörð Magnússon Skoðun Gerræðisleg áform í anda Ráðstjórnarríkjanna Guðmundur Fertram Sigurjónsson Skoðun Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen Skoðun Stóðhryssur ekki moldvörpur Hallgerður Ljósynja Hauksdóttir Skoðun Staða þorpshálfvita er laus til umsóknar Jón Daníelsson Skoðun Frá Írak til Gaza: Hvað höfum við lært af lygunum og stríðsbröltinu? Helen Ólafsdóttir Skoðun Tími til að notast við réttar tölur Sigurjón Þórðarson,Eydís Ásbjörnsdóttir,Eiríkur Björn Björgvinsson Skoðun Öryggi og varnir Íslands Kristrún Frostadóttir,Þorgerður Katrín Gunnarsdóttir,Inga Sæland Skoðun Fasteignagjöld eru lág í Reykjavík Sara Björg Sigurðardóttir Skoðun Skoðun Skoðun Árið 2023 kemur aldrei aftur Heiðrún Lind Marteinsdóttir skrifar Skoðun Trumpistar eru víða Trausti Breiðfjörð Magnússon skrifar Skoðun Fasteignagjöld eru lág í Reykjavík Sara Björg Sigurðardóttir skrifar Skoðun Gerræðisleg áform í anda Ráðstjórnarríkjanna Guðmundur Fertram Sigurjónsson skrifar Skoðun Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen skrifar Skoðun Nýbakaðir foreldrar og óbökuð loforð Ingveldur Anna Sigurðardóttir skrifar Skoðun Þegar bráðamóttakan drepur þig hraðar Hólmfríður Ásta Hjaltadóttir skrifar Skoðun Samkeppnin tryggir hag neytenda Hanna Katrín Friðriksson skrifar Skoðun Stóðhryssur ekki moldvörpur Hallgerður Ljósynja Hauksdóttir skrifar Skoðun Við getum gert betur Einar Bárðarson skrifar Skoðun Tími til að notast við réttar tölur Sigurjón Þórðarson,Eydís Ásbjörnsdóttir,Eiríkur Björn Björgvinsson skrifar Skoðun Hvernig hljómar 100.000 kr. mánaðarlegur samgöngustyrkur? Valur Elli Valsson skrifar Skoðun Ábyrg stefna í útlendingamálum Þorbjörg Sigríður Gunnlaugsdóttir skrifar Skoðun Týndu hermennirnir okkar Bryndís Haraldsdóttir skrifar Skoðun Gerist þetta aftur á morgun? Ísak Hilmarsson skrifar Skoðun Frá Írak til Gaza: Hvað höfum við lært af lygunum og stríðsbröltinu? Helen Ólafsdóttir skrifar Skoðun Staða þorpshálfvita er laus til umsóknar Jón Daníelsson skrifar Skoðun Að reikna veiðigjald af raunverulegum aflaverðmætum Kristján Þórður Snæbjarnarson skrifar Skoðun Fréttir af baggavélum og lömbum Heiða Ingimarsdóttir skrifar Skoðun Auglýsingaskrum Landsvirkjunar Stefán Georgsson skrifar Skoðun Öryggi og varnir Íslands Kristrún Frostadóttir,Þorgerður Katrín Gunnarsdóttir,Inga Sæland skrifar Skoðun Takk Trump! Trausti Breiðfjörð Magnússon skrifar Skoðun Fíllinn á teikniborði Landsvirkjunar Soffía Sigurðardóttir skrifar Skoðun Tími til að staldra við Heiðrún Lind Marteinsdóttir skrifar Skoðun Hvar er fyrirsjáanleikinn, forsætisráðherra? Monika Margrét Stefánsdóttir skrifar Skoðun 25 metrar í Fannborg Hákon Gunnarsson skrifar Skoðun Krossferðir - Íslamófóbía - Palestína Kristján Þór Sigurðsson skrifar Skoðun Gefum heimild fyrir kyrrð og kærleik Aðalheiður Mjöll Þórarinsdóttir skrifar Skoðun Frumvarp til ólaga Jón Ásgeir Sigurvinsson skrifar Skoðun Hervirki í höfuðborg - Svefngenglar við stjórnvölinn Örn Sigurðsson skrifar Sjá meira
Það má einu gilda þó skillítið nóboddí af kjörskránni eins og undirritaður, teljist ekki vikta þungt þegar þjóðráðin ráðast. Ég áskil mér eigi að síður allan rétt til að firra mig ábyrgð á óhæfuverkum sem eru hér í uppsiglingu og eru reyndar þegar hafin. Vesalingur minn hefur, ásamt einstaka hjáróma rödd, ítrekað reynt að vara við þeim ófarnaði. Sú sturlaða umræða, sem hér hefur bulið á síðustu ár í vaxandi mæli varðandi það sem er kallað er „fjármál heimilanna" og hefur beinst gegn verðmætistryggingu fjárskuldbindinga, sem kallast verðtrygging, hefur nú skilað sér í því að alvöru hætta steðjar að því heilbrigðismeðali sem hún er í okkar verðbólgusjúka hagkerfi. Stjórnmálastéttin, nánast eins og hún leggur sig, hefur látið undan háreistinni og dregist inn í vinsældakapphlaupið - misst kjarkinn. Það sést og heyrist þegar hvert hreystimennið á fætur öðru lippast niður og kikknar í hnjánum og tekur undir með kórnum - þegar fylgistölurnar lækka. Þegar hefur verið unnið skemmdarverk á þessu kerfi með því að flokki í stjórnarminnihluta hélst það uppi á seinni hluta kjörtímabilsins að knýja fram sérstakt gæluverkefni eins þingmanns þeirra - sem kallað er „minnkað vægi verðtrygginga" og lýsir sér nú um stundir í lánveitingum á svokölluðum „óverðtryggðum" lánum og meira að segja Íbúðalánasjóður rembist við að láta kúgast. Er lagst á árar við að telja fólki trú um ágæti slíkra lána. Við því var varað. Ein atlagan er sú, að fá verðtryggingu dæmda ólöglega - með vísan til þess að veðbundin fjárfestingalán í fasteignum teljist neytendalán. Slík lán eru eðli máls samkvæmt ekki neytendalán og ef lög eða tilskipanir gefa eitthvað annað í skyn eru það ólög. Því verður þó að treysta að málið falli á þeim öðrum bábyljum sem til er tjaldað. Til marks um vinsældakvíða pólitíkusanna er, að Alþingi samþykkti nýskeð að veita málsókninni sérstaka flýtimeðferð fyrir dómstólum. Nú liggur lífið á. Þannig stendur stjórnmálastéttin í ístaðinu. Það yrði til að kóróna endemin hér - að það yrði dæmt ólöglegt að verðmætistryggja fjárskuldbindingar og léða fjármuni. Lögleysan liggur í breytilegu vöxtum, sem illu heilli voru átölulaust innleiddir af Seðlabankanum þann 1. maí 1976. Það tekur þó steininn úr þegar stjórnmálaflokkur - setur það á oddinn að afnema verðtryggingu og sópar til sín fjöldafylgi út á það. Eina vonarglætan felst í því að hann mun hafa sett það sem stjórnarmyndunarskilyrði. Ætla aðrir, vonandi ábyrgari, stjórnmálaflokkar að láta dragst út í það forað? - fyrir ráðherrastóla. Það er ekki ný bóla hér, að hýstería og múgsefjun grípi um sig og ráði för. Þá kemst ekkert annað að en upphrópanir og til lítils að æmta. Í þessu efni hefur sýnt sig að það er ekki yfirveguð, upplýst og rökviss umfjöllun sem nær eyrum landans, enda uppgjöfin í því efni æpandi. Rangfærslurnar eru látnar óátaldar án enda og bylja í eyrum - svo sem það öfugmælið að verðtrygging stuðli að verðbólgu, og eins, að hún hamli hagstjórninni. Slíkt fleipur lætur vel í eyrum einhverra. Það ærir óstöðugan að bera til baka allar þær rangfærslur og bábyljur sem hver étur eftir öðrum - t.d. ósannindi eins og þau, sem t.d. heyrast frá þingmönnum, að Íslendingar borgi húsnæði sitt tvisvar eða jafnvel oftar. Ég tel mér ekki skylt, frekar en öðrum blöðruselum, að rökstyðja mál mitt hér - til þess gefst hér hvorki pláss né tími. Margar og ítrekaðar óskir og tillögur um að fá vitræna umræðu um þessu mál og skilmerkilega kynningu á þeim, hafa ekki verið þegnar - af helstu umræðuþáttum Ríkisútvarpsins: Kastljósi, Speglinum, Silfrinu. Þar á bæjum er borist með straumnum. Til að bæta úr þessari vöntun vísa ég hér í greinar mínar, þær sem finna má á netinu. (Frbl.9.12.2010 og 28.7.2010, Mbl. 23.2.1997 og 20. 11 1991) Ábyrgðin á því ófremdarástandi sem hér er, varðandi fjárhagsstöðu ýmissa aðila eftir hrun, er þeirra stjórnmálaafla sem losuðu hér um allar hömlur og hleyptu öllu upp í loft - skaðinn er slíkur að hann verður ekki lagaður - þeirra afla sem nú njóta fyrirgefningar og velþóknunar þjóðarinnar - búsáhalda hvað ! Hér væri hins vegar allt enn ískyggilegra ef ekki nyti við verðtryggingar - og verðbólgan margföld það sem hún er nú um stundir. Dýrt var hrunið - en dýrkeyptari mun þessi „björgunaraðgerð" verða. Í ljósi þeirrar sturluðu umræðu, sem veður uppi í samfélaginu og pólitíkinni, um þessi mál og þeirra ískyggilegu vísbendinga sem skoðanakannanir veita, sé ég mig, sem kjósandi, persónulega knúinn til að lýsa yfir fullkomnu ábyrgðarleysi mínu á því sem fylgja kann í kjölfarið. Jafnframt lít ég á það sem aðför að mér og ólíðanlegt brot á réttindum mínum ef hróflað verður við lánskjörum mínum og ef rift verður þeim skilmálum sem ég hef skrifað upp á og nýt vel sáttur, sem eru og verið hafa verðtryggð. Ég þvæ hendur mínar. Hjalti Þórisson, skelkaður kjósandi Slóðir: Fréttablaðið 9.12.2010 https://www.visir.is/minnkad-vaegi-verdtrygginga-!!/article/2010572928804 Fréttablaðið 28.7.2010 http://epaper.visir.is/media/201007280000/pdf_online/1_18.pdf Morgunblaðið 23.2.1997 http://www.mbl.is/mm/gagnasafn/grein.html?grein_id=316682 Morgunblaðið 20. 11 1991 http://timarit.is/view_page_init.jsp?pageId=1754388
Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen Skoðun
Tími til að notast við réttar tölur Sigurjón Þórðarson,Eydís Ásbjörnsdóttir,Eiríkur Björn Björgvinsson Skoðun
Skoðun Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen skrifar
Skoðun Tími til að notast við réttar tölur Sigurjón Þórðarson,Eydís Ásbjörnsdóttir,Eiríkur Björn Björgvinsson skrifar
Skoðun Frá Írak til Gaza: Hvað höfum við lært af lygunum og stríðsbröltinu? Helen Ólafsdóttir skrifar
Skoðun Öryggi og varnir Íslands Kristrún Frostadóttir,Þorgerður Katrín Gunnarsdóttir,Inga Sæland skrifar
Opið svar til formanns Samleik- Útsvarsgreiðendur borga leikskólann í Kópavogi! Rakel Ýr Isaksen Skoðun
Tími til að notast við réttar tölur Sigurjón Þórðarson,Eydís Ásbjörnsdóttir,Eiríkur Björn Björgvinsson Skoðun