Gjaldeyrisforðinn er 490 milljarðar

Heildargjaldeyrisforði Seðlabankans nam um 490,3 milljörðum kr. í lok maí og hækkaði um 10,4 milljarða kr. milli mánaða.

Þetta kemur fram í hagtölum Seðlabankans. Þar segir að hreinn gjaldeyrisforði, þ.e. erlendar eignir að frádregnum erlendum skammtíma skuldum, nam um 405,5 milljörðum kr. í lok maí  samanborið við 399,3 milljarða kr. í lok apríl.

Nettó útgreiðslur gjaldeyriseigna Seðlabankans og ríkissjóðs fyrir næstu 12 mánuði eru áætlaðar um 84,8 milljarðar kr. miðað við í lok maí  samanborið við 80,7 milljarða kr. miðað við lok apríl.