Aftur fjörugt á fasteignamarkaðinum

Fjöldi þinglýstra kaupsamninga á höfuðborgarsvæðinu í síðustu viku var 120. Þar af voru 89 samningar um eignir í fjölbýli, 22 samningar um sérbýli og 9 samningar um annars konar eignir en íbúðarhúsnæði.

Þetta kemur fram á vefsíðu Þjóðskrár Íslands. Þar segir að heildarveltan var rétt tæpir 4 milljarðar króna og meðalupphæð á samning rúmlega 33 milljónir króna.

Til samanburðar hefur fjöldi samninga á viku undanfarnar 12 vikur verið 108 að meðaltali, veltan hefur numið 3,6 milljörðum króna en meðalupphæð á samning verið nær á pari við síðustu viku.