Elding hvalaskoðun hlaut Fjörusteininn í ár

Elding hvalaskoðun hlaut Fjörusteininn, umhverfisverðlaun Faxaflóahafna, í ár.Þetta er í níunda sinn sem þessi verðlaun eru veitt.

Á vefsíðu Faxaflóahafna segir að Elding hafi verið brautryðjandi í ferðaþjónustu sem tengist hafinu með metnaðarfull markmið og markvissa stefnu í umhverfismálum. Elding er með aðstöðu í Suðurbugt og á Ægisgarði.

Fyrirtækið var stofnað árið 2000 og hefur hlotið margar viðurkenningar í áranna rás. Má nefna að það hefur tekið þátt í Green Globe verkefninu og hefur hlotið 7 umhverfisviðurkenningar frá árinu 2006 bæði frá innlendum og erlendum samtökum.