Viðskipti innlent

Hagnaður CCP hrapar milli ára

Óli Kristján Ármannsson skrifar
Frá kynningu á Dust 514. Fram kemur í uppgjöri CCP að kostnaður við rannsóknir og þróun hefur stóraukist milli ára.
Frá kynningu á Dust 514. Fram kemur í uppgjöri CCP að kostnaður við rannsóknir og þróun hefur stóraukist milli ára. Fréttablaðið/HAG
Hagnaður tölvuleikjaframleiðandans CCP hrapar á milli ára í uppgjöri fyrirtækisins fyrir fyrri helming ársins.

Í tilkynningu til Kauphallar um uppgjörið kemur fram að á öðrum ársfjórðungi hafi félagið hagnast um tæplega 157 þúsund Bandaríkjadali (18,9 milljónir króna).

Á sama tímabili í fyrra nam hagnaðurinn tæplega 1,7 milljónum dala (rúm 201 milljón króna.)

Samdrátturinn nemur 90,6 prósentum milli ára á öðrum fjórðungi.

Hagnaður fyrstu sex mánuði ársins hafa hins vegar dregist saman um 94,6 prósent, var 318,5 þúsund dalir í ár á móti 5,9 milljónum dala í fyrra.

Fram kemur í uppgjörinu að sala hafi aukist í Bandaríkjunum milli ára á fyrri helmingi ársins um 2,1 milljón dala, en um tæpa milljón dala í Evrópu og um tæplega 1,2 milljónir dala í Asíu.

Nokkrar persónur í nýjasta tölvuleik CCP, Dust 514, sem kynntur var til sögunnar á fyrri hluta árs í fyrra.Mynd/CCP


Mest lesið


Fleiri fréttir

Sjá meira


×

Mest lesið