Skrifstofa stækkunarmála framkvæmdastjórnar Evrópusambandsins hefur ákveðið að hætta við að gefa okkur peninga í formi IPA styrkja þar sem ríkisstjórnin er ítrekað búin að segjast ekki vilja samband og meira að segja slitið aðildarviðræðum. Þó Gunnar Bragi, utanríkisráðherra, segir þetta aðeins vera "hlé".

Gunnar Bragi las kaflann um alþjóðastjórnmál í The Bro Code og hélt að ESB yrði "all over him“ ef hann myndi koma fram við það eins og skíthæll. „Það versta er að núna langar mig pínu í ESB,“ segir Gunnar í smáskilaboði sem hann sendi á fjölmiðla í gær.



Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu sem fær bullandi styrki alltaf.