Foo Fighters snúa aftur
Hljómsveitin Foo Fighters kitlaði aðdáendur sína með að birta mynd af blóðugum gítar á fésbókarsíðu sinni.
Myndin var tekin á æfingu þar sem að Dave Grohl og félagar undirbúa sig fyrir endurkomu sína á svið. Undir myndinni stóð "Fyrsta æfing. alltof langt síðan síðast, verið reiðubúin Mexíkó."
Sveitin kemur fram á stórum tónleikum þar 13. desember næstkomandi. Foo Fighters munu byrja að taka upp nýja plötu snemma á næsta ári og mun fylgja eftir Wasting Light frá árinu 2011. Dave Grohl hefur látið hafa það eftir sér að árið 2014 verði stórt fyrir hljómsveitina Foo Fighters.
Hér fyrir neðan má sjá sveitina flytja lagið Rope af seinustu plötunni þeirra, Wasting Light
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
