Harmageddon

Sannleikurinn: Að dreifa svínshræjum á lóð múslima svipað og skrifa greinar gegn kirkjunni í Morgunblaðið

Andri Þór Sturluson skrifar
Hvað er skepna? Svínið vinstra megin eða afskorna höfuðið til hægri?
Hvað er skepna? Svínið vinstra megin eða afskorna höfuðið til hægri?
Aumingi með minnimáttarkennd sem orðið hefur undir í lífinu og kennir öðrum um, játaði að vera nógu bilaður í hausnum til að dreifa svínshausum og blóði á lóð Félags múslima í fyrradag.

Maðurinn, Óskar Bjarnason, er týpískt eintak af manni sem hatar múslima. Fáfróður, illa gefinn og kann ekki reglurnar um hvenær eigi að setja stóra stafi og punkta eins og eftirfarandi Facebook status sem hann birti á síðu sinni eftir viðtal við Vísi gefur til kynna:

„æja þessir aular á stöð 2 eru bara aular það kom ekki neitt fram sem fór á milli okkar á kaffi húsinu gék bauð uppá pönnukökur og kaffi og fjekk bara morsvip til baka og blátt nei mjög kustis étta fólk og ekki fjekk ég skilaboð frá þessari snobb hænu um að löggan ætli að talavið mig bara aular ha ha ha“

Lögregla segist ætla rannsaka málið sem hatursglæp og eru viðurlög við slíku fangelsi í allt að 2 ár. Erfitt getur þó reynst að fá menn dæmda fyrir slíkt þar sem þeir geta alltaf borið því við að þeir séu heilaskaddaðir.

Lögreglan virðist líka ekki taka málið alvarlega. Fréttamennirnir sem voru það óheppnir að þurfa taka viðtal við Óskar létu lögreglufulltrúa hafa símanúmer og játningu hans fyrr í dag en lögreglufulltrúinn kvaðst ekki hafa tíma fyrir málið að svo stöddu þar sem brjálað væri að gera í kynferðislegri áreitni og einelti hjá lögreglunni.

Sagði lögreglufulltrúinn þó að hann teldi glæpinn lítinn og saklausan og líkti honum við andstöðu Vantrúarmanna við Þjóðkirkjuna sem skrifa greinar og spila bingó yfir kakóbolla á föstudaginn langa. Samlíking sem eru svo ótrúlega fávís að maður veltir fyrir sér hvort Óskar múslimahatari yrði ekki bara góður lögreglumaður.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu þar sem allir eru jafn ruglaðir.






Velkomin á Vísi. Þessi vefur notar vafrakökur. Sjá nánar.