Gert ráð fyrir fjölgun farþega um nærri 400 þúsund

Fleiri farþegar hafa farið um Keflavíkurflugvöll það sem af er árs en allt árið í fyrra. Fyrstu tíu mánuði ársins flugu rúmlega 2,4 milljónir farþega til og frá Keflavík, eða um 30 þúsund fleiri en fóru um flugvöllinn allt síðasta ár.

Á vefnum Túristi.is segir að gert sé ráð fyrir að farþegum fjölgi um nærri 400 þúsund frá því í fyrra, en árið 2012 var metár í umferð farþega á Keflavíkurflugvelli, og jókst hún um 12,7 prósent frá árinu áður.

Þá er einnig bent á það að hver farþegi er talinn við brottför og komu til landsins. Íslendingur sem flýgur frá Keflavík til útlanda og til baka er því talinn tvisvar.