Sannleikurinn: Vill myrða námsmenn sem skila sér ekki heim

Rétt er að skoða hvort myrða eigi íslenska námsmenn sem taka námslán til að fjármagna nám erlendis en skila sér ekki heim að námi loknu, að mati formanns fjárlaganefndar Alþingis.

„Það er ekki óeðlilegt að þeir sem ekki skila sér heim að námi loknu verði eltir uppi í útlöndum og myrtir af sérstakri vígasveit,“ segir Vigdís Hauksdóttir, þingmaður Framsóknarflokksins og formaður fjárlaganefndar Alþingis. „Það ætti að kenna þeim.“

Hún segir þetta vangaveltur á þessu stigi, margir aðrir möguleikar eru á að breyta námslánakerfinu. Til dæmis megi hugsa sér að taka upp refsiaðgerðir gegn fjölskyldu strokunámsmannsins eins og tíðkast í Norður Kóreu. Ef fjölskylda námsmannsins yrði sett í einhverskonar fangabúðir myndi liðhlaupinn kannski hugsa sig tvisvar um áður en hann strýkur úr paradís.

„Þetta eru mínar vangaveltur. Ég kláraði aldrei stúdentinn en var svo heppin að geta keypt mér lögfræðigráðu frá Bifröst. En ég lærði garðyrkju í Garðyrkjuskóla ríkisins 1984 þar sem ég lærði að uppræta illgresi. Og námsmenn eru illgresi. Eftir því sem þeim fjölgar þá fækkar okkur framsóknarmönnum. Menntun er að kæfa okkur,“ sagði formaður fjárlaganefndar í samtali við fréttastofu.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu  sem haldið er úti af Framsóknarflokknum.