Fimmhundruð-þúsund QuizUp leikir spilaðir fyrsta sólarhringinn Hanna Rún Sverrisdóttir skrifar 8. nóvember 2013 15:10 Skjáskot af lista yfir vinsælustu öppin í App Store. Hægra megin má sjá starfsmenn Plain Vanilla fagna með pítsuveislu á skrifstofum fyrirtækisins við Laugaveg í gærkvöldi. Fimmhundruð-þúsund leikir voru spilaðir af tölvuleiknum QuizUp fyrsta sólarhringinn eftir að hann kom út. Leikurinn kom út á App Store í gær. QuizUp er spurningaleikur fyrir iPhone og er hann sá stærsti sinnar tegundar í heiminum. Í leiknum eru 150 þúsund spurningar í hátt í 300 flokkum. Þorsteinn B. Friðriksson, stofnandi og forstjóri Plain Vanilla sem þróaði leikinn, segir að QuizUp sé fyrsti spurningaleikurinn sem býður upp á samskipti milli vina jafnt sem ókunnugra sem spila í leiknum. „Í leiknum getur fólk spjallað saman í gegnum einkaskilaboð og umræðuþræði.“ Þorsteinn er ánægður með viðtökurnar. „Það ótrúlega gaman eftir þá tveggja ára vinnu sem er á bak við leikinn að vera með starfsfólkinu á Laugavegi og horfa á skjá sem sýni hækkandi tölu notenda á hverri sekúndu nánast.“ Hann segir að keppendur geti valið sér ótakmarkaðan fjölda flokka. Keppendur spila ýmist einir og bíða þá þar til mótleikarinn lýkur sínum leik til að sjá hver vann. Eða að þeir spila við aðra á sama tíma. Keppendur sem tengjast QuizUp í gegnum Facebook geta skorað á vini sína eða fengið leikinn til að velja fyrir sig hinn fullkomna andstæðing. Hver viðureign stendur yfirleitt yfir í minna en eina mínútu. Keppendur fá sjö spurningar og hafa allt að tíu sekúndur til þess að svara hverri spurningu. Stigafjöldinn fyrir hvert rétt svar fer eftir því hversu lengi keppandinn er að svara. Sá sem fær fleiri stig sigrar viðureignina. Þorsteinn segir að enn sem komið er sé leikurinn aðeins fáanlegur á iPhone og iPad. Leikurinn sé þó væntanlegur á Android tæki fljótlega. Leikjavísir Mest lesið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið Gerða og glæsilegar gellur á Edition Lífið „Nútíminn er trunta“ Lífið „Eurovision mamman“ með gleði og kærleika að vopni Lífið Rithöfundurinn Paul Auster er látinn Lífið Swing og hópkynlíf fyrir byrjendur! Lífið Múgur og margmenni fylgdust með ótrúlegu ostakúluáti Lífið „Hin raunverulegu stólaskipti fóru fram í dag“ Lífið Halda samstöðutónleika á sama tíma og Ísland keppir í Eurovision Lífið Fleiri fréttir Keppniskvöld hjá GameTíví GameTíví: Plorrinn spilar Fallout Allir spila með Babe Patrol Samvinna og hryllingur í GameTíví Spilaðu Warzone með GameTíví Sjá meira
Fimmhundruð-þúsund leikir voru spilaðir af tölvuleiknum QuizUp fyrsta sólarhringinn eftir að hann kom út. Leikurinn kom út á App Store í gær. QuizUp er spurningaleikur fyrir iPhone og er hann sá stærsti sinnar tegundar í heiminum. Í leiknum eru 150 þúsund spurningar í hátt í 300 flokkum. Þorsteinn B. Friðriksson, stofnandi og forstjóri Plain Vanilla sem þróaði leikinn, segir að QuizUp sé fyrsti spurningaleikurinn sem býður upp á samskipti milli vina jafnt sem ókunnugra sem spila í leiknum. „Í leiknum getur fólk spjallað saman í gegnum einkaskilaboð og umræðuþræði.“ Þorsteinn er ánægður með viðtökurnar. „Það ótrúlega gaman eftir þá tveggja ára vinnu sem er á bak við leikinn að vera með starfsfólkinu á Laugavegi og horfa á skjá sem sýni hækkandi tölu notenda á hverri sekúndu nánast.“ Hann segir að keppendur geti valið sér ótakmarkaðan fjölda flokka. Keppendur spila ýmist einir og bíða þá þar til mótleikarinn lýkur sínum leik til að sjá hver vann. Eða að þeir spila við aðra á sama tíma. Keppendur sem tengjast QuizUp í gegnum Facebook geta skorað á vini sína eða fengið leikinn til að velja fyrir sig hinn fullkomna andstæðing. Hver viðureign stendur yfirleitt yfir í minna en eina mínútu. Keppendur fá sjö spurningar og hafa allt að tíu sekúndur til þess að svara hverri spurningu. Stigafjöldinn fyrir hvert rétt svar fer eftir því hversu lengi keppandinn er að svara. Sá sem fær fleiri stig sigrar viðureignina. Þorsteinn segir að enn sem komið er sé leikurinn aðeins fáanlegur á iPhone og iPad. Leikurinn sé þó væntanlegur á Android tæki fljótlega.
Leikjavísir Mest lesið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið Gerða og glæsilegar gellur á Edition Lífið „Nútíminn er trunta“ Lífið „Eurovision mamman“ með gleði og kærleika að vopni Lífið Rithöfundurinn Paul Auster er látinn Lífið Swing og hópkynlíf fyrir byrjendur! Lífið Múgur og margmenni fylgdust með ótrúlegu ostakúluáti Lífið „Hin raunverulegu stólaskipti fóru fram í dag“ Lífið Halda samstöðutónleika á sama tíma og Ísland keppir í Eurovision Lífið Fleiri fréttir Keppniskvöld hjá GameTíví GameTíví: Plorrinn spilar Fallout Allir spila með Babe Patrol Samvinna og hryllingur í GameTíví Spilaðu Warzone með GameTíví Sjá meira