MP Banki fækkar starfsmönnum

Við breytingar á skipulagi MP Banka sem kynntar voru starfsmönnum í dag fækkar starfsmönnum fyrirtækisins  um níu. Þær fela í sér sameiningu sviða og einföldun á skipulagi bankans til að auka áhersluna á sérhæfða bankaþjónustu.

Starfsemi fjárfestingabankasviðs, markaðsviðskipta og viðskiptasviðs hefur verið sameinuð í tvö  ný svið.  Banka og markaði. Í tilkynningu frá MP Banka segir að eftir breytingarnar verða afkomueiningar fyrirtækisins: Banki, markaðir, eignastýring og eignaleiga undir vörumerkinu lykill.

„Markmiðið með þessum breytingum er að skerpa enn frekar á þeirri sérhæfðu bankaþjónustu sem við veitum  og einfalda um leið skipulag bankans.  Við leggjum sem fyrr metnað okkar í að veita atvinnulífinu úrvals bankaþjónustu og byggja upp traust samband við viðskiptavini okkar með fagmennsku og vönduð vinnubrögð að leiðarljósi,“ segir Sigurður Atli Jónsson, forstjóri MP banka í tilkynningunni.