Fleiri sæti í nýjum vélum WOW Air

WOW Air mun á næsta ári taka í noktun stærri faraþegaþotur og mun sætafjöldi aukast í takt við það. Samkvæmt Túristi.is er ekki búið að ákveða hvort farþegarýminu verði skipt upp niður eftir fargjaldaflokkum.

Flugfloti Wow Air mun samanstanda af tveimur tegundum af Airbus vélum þegar félagið fær flugrekstrarleyfi og hefur áætlunarflug til Bandaríkjanna í vor. Í dag leigir Wow Air þotur af tegundinni Airbus A320 sem eru með 174 sæti. Fljótlega verður bætt við stærri vélum af gerðinni A321 samkvæmt því sem kemur fram í atvinnuauglýsingu fyrirtækisins í dag þar sem óskað er eftir flugmönnum.

Eitt farrými eða fleiri?

Það er venja meðal lággjaldaflugfélaga að bjóða aðeins upp á eitt farrými í vélum sínum og það hefur Wow Air einnig gert. Upplýsingafulltrúi fyrirtækisins segir að ekki hafi verið ákveðið hvort farþegarýminu verði skipt niður á næsta ári en ef það verður látið ógert verður pláss fyrir 201 sæti í stærri þotum Wow Air.

Samkvæmt því sem Túristi kemst næst eru vanalega 144 til 186 sæti í þeim vélum sem fljúga til og frá Íslandi. Flestar vélar Icelandair eru með 183 sæti en stærsta vél félagsins rúmar 216 farþega.