Leikjavísir

121 milljarður á fyrsta mánuðinum

Boði Logason skrifar
Grand Theft Auto 5 er dýrasti tölvuleikur frá upphafi.
Grand Theft Auto 5 er dýrasti tölvuleikur frá upphafi. Mynd/AFP

Dýrasti tölvuleikur frá upphafi, Grand Theft Auto 5, kom út á þriðjudaginn eftir að hafa verið fimm ár í framleiðslu. Það kostaði framleiðandann, Rock Star Games, 265 milljónir dollara að búa leikinn til, eða um 32 milljarða króna.

Það er meira en allar kvikmyndir í Hollywood hafa kostað, fyrir utan eina.

Framleiðandinn hefur þó ekki áhyggjur af því að koma út í tapi enda pöntuðu mörg hundruð þúsund manns víða um heima í forsölu og enn fleiri hafa keypt hann á síðustu dögum.

Spekingar á þessu sviði telja að leikurinn muni hala inn einum milljarði dollara bara í þessum mánuði, það gera um 121 milljarð íslenskra króna.

Hægt er að spila leikinn bæði á PlayStation 3 og Xbox 360 leikjatölvunum.

Frétt adage.com.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.