Jón Björnsson ráðinn forstjóri ORF Líftækni

Greint var frá því á aðalfundi ORF Líftækni hf. í gær að stjórn félagsins hafi gengið frá ráðningu Jóns Björnssonar í starf forstjóra félagsins.

Í tilkynningu segir að Jón Björnsson hefur mikla reynslu sem stjórnandi stórra fyrirtækja í alþjóðlegum viðskiptum. Hann hefur undanfarna mánuði unnið að endurskipulagningu á rekstri Steen & Ström, vinsælustu stórverslunar Osló. Hann var forstjóri Magasin du Nord í Kaupmannahöfn frá árinu 2005 til 2012 og gjörbylti rekstri þeirrar fornfrægu  stórverslunar til hins betra. Frá árinu 2002 til 2005 var hann forstjóri Haga hf. á Íslandi og þar áður  framkvæmdastjóri Hagkaupa frá 1998-2002.

Jón situr í stjórnum Åhlens AB, Boozt.com, og tryggingafélagsins Varðar. Jón er menntaður viðskiptafræðingur frá Rider University, New Jersey.

Jón tekur við af Dr. Birni L. Örvari sem mun taka við nýrri stöðu framkvæmdastjóra rannsókna- og vöruþróunarsviðs félagsins.