Mikið fjör á fasteignamarkaði borgarinnar

Alls var þinglýst 133 kaupsamningum um fasteignir á höfuðborgarsvæðinu í síðustu viku. Þetta er töluvert meiri fjöldi en nemur vikumeðaltalinu undanfarna þrjá mánuði sem er 105 samningar.

Þetta kemur fram á vefsíðu Þjóðskrár Íslands. Þar segir að af þessum 133 samningum voru 100 samningar um eignir í fjölbýli, 26 samningar um sérbýli og 7 samningar um annars konar eignir en íbúðarhúsnæði.

Heildarveltan var rúmlega 4 milljarðar króna og meðalupphæð á samning 30,7 milljónir króna. Veltan er um hálfum milljarði meiri en nemur vikumeðaltalinu undanfarna þrjá mánuði  en meðalupphæð á samning er um 3 milljónum kr. lægri en nemur meðaltalinu.