Ferðaþjónustan fagnar stækkun á svæði fyrir hvalaskoðun

Samtök ferðaþjónustunnar fagna ákvörðun atvinnu- og nýsköpunarráðherra að stækka það svæði sem hvalaskoðunarfyrirtækin hafa til umráða á Faxaflóa en samtökin hafa lagt mikla áherslu á að banna allar hvalveiðar í Faxaflóa og innan 30 sjómílna frá öllum hvalaskoðunarsvæðum.  Þrátt fyrir að ráðherra hafi ekki orðið við þeirri ósk þá er þetta skref mikilvægt.

Í tilkynningu um málið segir að samtökin hafi furðað sig á því að hrefnuveiðar skuli að hefjast enn á ný án þess að nefnd sem skipuð var af ráðherra um nýtingu hvala hafi lokið störfum.

Forstöðumenn hvalaskoðunarfyrirtækjanna í Reykjavík hafa því miklar áhyggjur af þeirri þróun sem orðið hefur síðastliðin ár að færri og færri hrefnu sjást í hverri ferð þar sem þær hrefnur, sem verða fyrir áreiti veiðimanna, styggjast. Því má líta á hrefnuveiðar, sér í lagi veiðarnar innan hvalaskoðunarsvæðisins, sem beina ógn við starfsemi hvalaskoðunarfyrirtækja á svæðinu.