Verðbólgan er óbreytt í 3,3%

Ársverðbólgan mælist 3,3% í maí og er óbreytt frá fyrri mánuði. Þetta er í samræmi við allar spár sérfræðinga.

Á vefsíðu Hagstofunnar segir að vísitala neysluverðs miðuð við verðlag í maí 2013 er 411,3 stig og lækkaði um 0,05% frá fyrra mánuði. Vísitala neysluverðs án húsnæðis er 391,3 stig og lækkaði um 0,18% frá apríl.

Síðastliðna tólf mánuði hefur vísitala neysluverðs hækkað um 3,3% og vísitalan án húsnæðis um 3,4%. Undanfarna þrjá mánuði hefur vísitala neysluverðs hækkað um 0,3% sem jafngildir 1,4% verðbólgu á ári (0,6% verðhjöðnun á ári fyrir vísitöluna án húsnæðis).