Þingvallavatn undir yfirborðinu - töfraveröld Svavar Hávarðsson skrifar 16. maí 2013 14:28 Allar myndir: Erlendur Guðmundsson Veiðisögur berast reglulega frá Þingvallavatni þar sem stórir urriðar og stöku bleikja falla fyrir agni veiðimanna. Á sama tíma eru sífellt fleiri veiðiáhugamenn teknir að nýta sér nýjustu tækni við að taka myndir af bráð sinni undir yfirborðinu. En svo eru það þeir sem ganga skrefinu lengra og halda sjálfir niður í djúpið og mynda þessa eftirsóknarverðu bráð okkar í hennar náttúrulega umhverfi. Erlendur Guðmundsson atvinnukafari er einn þeirra en hann rekur fyrirtækið Neðarsjávarmyndir ehf. Hann tekur myndir af dýralífi neðansjávar ásamt myndum af skipsflökum og öðru sem ber fyrir augu kafara við Ísland. En hann kafar líka í stöðuvötn og ekki síst Þingvallavatn, og skal engan furða. Erlendur gaf Veiðivísi góðfúslegt leyfi til að birta nokkrar myndir úr köfunarleiðangri í Þingvallavatn. Má ætla að allir sem veiða á stöng njóti þess að sjá þessa tignarlegu höfðingja í sínu náttúrulega umhverfi, sem minnir okkur öll á að sýna náttúrunni tilhlýðilega virðingu í heimsóknum okkar að veiðivötnum landsins. Hafi fólk áhuga á að kynna sér vinnu Erlendar frekar er heimsókn á facebook síðu hans ein leið, en einnig má hafa samband við hann beint í netfangið ellikafari@gmail.com. Stangveiði Mest lesið Jökla vex sem laxá og bleikjan er bónus Veiði Vikulegar veiðitölur úr laxveiðiánum Veiði 20-30% verðlækkun í Breiðdalsá Veiði Tveir 103 sm úr sama hylnum sama dag á Nesi Veiði Ennþá hægt að komast í laxveiði Veiði Sumarhátíð Veiðihornsins stendur yfir um helgina Veiði Fréttir úr Djúpinu Veiði 255 laxa opnunarholl í Ytri Rangá Veiði Vikulegar veiðitölur úr laxveiðiánum Veiði Bleikjan mætt á Þingvöllum Veiði
Veiðisögur berast reglulega frá Þingvallavatni þar sem stórir urriðar og stöku bleikja falla fyrir agni veiðimanna. Á sama tíma eru sífellt fleiri veiðiáhugamenn teknir að nýta sér nýjustu tækni við að taka myndir af bráð sinni undir yfirborðinu. En svo eru það þeir sem ganga skrefinu lengra og halda sjálfir niður í djúpið og mynda þessa eftirsóknarverðu bráð okkar í hennar náttúrulega umhverfi. Erlendur Guðmundsson atvinnukafari er einn þeirra en hann rekur fyrirtækið Neðarsjávarmyndir ehf. Hann tekur myndir af dýralífi neðansjávar ásamt myndum af skipsflökum og öðru sem ber fyrir augu kafara við Ísland. En hann kafar líka í stöðuvötn og ekki síst Þingvallavatn, og skal engan furða. Erlendur gaf Veiðivísi góðfúslegt leyfi til að birta nokkrar myndir úr köfunarleiðangri í Þingvallavatn. Má ætla að allir sem veiða á stöng njóti þess að sjá þessa tignarlegu höfðingja í sínu náttúrulega umhverfi, sem minnir okkur öll á að sýna náttúrunni tilhlýðilega virðingu í heimsóknum okkar að veiðivötnum landsins. Hafi fólk áhuga á að kynna sér vinnu Erlendar frekar er heimsókn á facebook síðu hans ein leið, en einnig má hafa samband við hann beint í netfangið ellikafari@gmail.com.
Stangveiði Mest lesið Jökla vex sem laxá og bleikjan er bónus Veiði Vikulegar veiðitölur úr laxveiðiánum Veiði 20-30% verðlækkun í Breiðdalsá Veiði Tveir 103 sm úr sama hylnum sama dag á Nesi Veiði Ennþá hægt að komast í laxveiði Veiði Sumarhátíð Veiðihornsins stendur yfir um helgina Veiði Fréttir úr Djúpinu Veiði 255 laxa opnunarholl í Ytri Rangá Veiði Vikulegar veiðitölur úr laxveiðiánum Veiði Bleikjan mætt á Þingvöllum Veiði