Útvappið: Nýtt íslenskt smáforrit fyrir snjallsíma

Útvappið er nýtt smáforrit sem gerir notendum kleift að hlusta á dagskrá allra útvarpsstöðva 365 miðla í snjallsímum; bæði beina útsendingu og eldri upptökur þátta og hljóðbrota.

Appið er það fyrsta sem býður upp á íslenskar útvarpsstöðvar og er á íslensku. Nú geta eigendur snjallsíma því nálgast Í bítið, FM95Blö, Harmadeddon, Reykjavík síðdegis og og fleiri vinsæla þætti hvenær sem þeim hentar. Útvappið er alíslenskt, smíðað af hugbúnaðarfyrirtækinu Gangverki sem hefur komið að fjölmörgum vinsælum forritum þar á meðal fyrir bandaríska fjölmiðlarisann CBS.

„Nýja appið gerir hlustendum kleift að hlusta á uppáhalds útvarpsstöðina sína hvar og hvenær sem er. Eigendur snjallsíma geta sótt appið án endurgjalds og haft þannig átta útvarpsstöðvar við höndina. Í appinu eru fjölmargir skemmtilegir möguleikar. Til dæmis er hægt að hlusta á beina útsendingu eða upptökur úr þáttum stöðvanna, fylgjast með Facebook síðum stöðvanna og gera sinn uppáhalds morgunþátt að  vekjaraklukku,“ segir Ágúst Héðinsson yfirmaður útvarpssviðs 365 miðla.

Notendur iPhone síma finna appið í App Store í símanum sínum og notendur Android síma leita í Google Play. Leitarorðin eru einfaldlega nafn þeirrar útvarpsstöðvar sem hver og einn vill hafa sem sína fyrstu stöð í Útvappinu. Bylgjan, FM957 eða X977.

Þegar appið er opnað í símanum fer sú stöð sem hlaðið var niður sjálfkrafa í gang. Auðvelt er þó að skipta um stöð, t.d. yfir á Létt Bylgjuna, Gull Bylgjuna, 80´s Bylgjuna, FM Extra eða Apparatið. Þær þrjár síðasttöldu eru nýjar stöðvar, sem fara í loftið um leið og Útvappið.

Alls eru átta stöðvar í Útvappinu:

Nýju stöðvarnar eru sendar út í gegn Útvappið en munu einnig nást í sjónvarpi Símans og Vodafone og á visir.is.