Gerir ráð fyrir 1,9% hagvexti i ár í nýrri þjóðhagsspá

Í nýrri þjóðhagsspá Hagstofunnar er m.a. gert ráð fyrir að landsframleiðsla aukist um 1,9% á þessu ári og 2,7% á því næsta. Aukning einkaneyslu verður minni í ár en í fyrra og fjárfesting dregst saman um 2,3%.

Á vefsíðu Hagstofunnar segir að spáin nær til áranna 2013 til 2018. Á næsta ári er gert ráð fyrir að einkaneysla taki betur við sér og verði 3% en að fjárfesting aukist um 16,9%. Samneysla stendur því sem næst í stað 2013 og 2014 en eykst hægt eftir það.

Vöxtur einkaneyslu og bati á vinnumarkaði var góður á fyrri helmingi 2012, en slakari á seinni hluta 2012. Verðbólguhorfur eru stöðugar en viðskiptakjör hafa versnað. Fjárfesting eykst á spátímanum að árinu 2013 undanskildu.