Hún ætti að fá sér hamborgara og franskar

Glamúrmódelið Katie Price skýtur föstum skotum að fótboltaeiginkonunni Abbey Crouch í dálki sínum í dagblaðinu The Sun. Þar segir hún að Abbey sé alltof mjó.

“Hún lítur út eins og hún hefði gott af því að fá sér hamborgara og franskar,” skrifar Katie. Koma þessi ummæli í kjölfar mynda af Abbey í tímaritinu Hunger þar sem hún sat fyrir alsnakin.

“Ég hef séð Abbey með mínum eigin augum og hún er falleg stúlka með góða áru. Það getur ekki verið tilviljun að tímaritið sem Abbey sat fyrir í heiti Hunger,” heldur Katie áfram en hunger myndi þýðast sem hungur á íslensku.

Dragðu Tarotspil dagsins hér.