Ráðist á Hugh í ræktinni

Leikarinn Hugh Jackman fór í ræktina á laugardaginn eins og venja hans er en hann lenti heldur betur í óheppilegu atviki.

Kathleen Thurston, 47 ára kona, ætlaði að komast nálægt stjörnunni því hún sagðist vera ástfangin af honum. Hún lét öllum illum látum og grét sáran þangað til hún var beðin um að yfirgefa líkamsræktarstöðina.

Kathleen fór þó ekki með góðu því hún dró upp rakvél, fulla af líkamshárum, sem hún ætlaði að henda í Hugh.

Konan var handtekin skömmu síðar og ákærð fyrir að áreita Hugh, sem brá mikið enda hélt hann að konan væri að teygja sig í vopn þegar hún dró upp rakvélina.

Dragðu Tarotspil dagsins hér.